D’ALƆ MƐ LƐ́ BÓNÚ YĚ NÍ HÚZÚ AHWANVÚ
NǓKPLƆ́NKPLƆ́N 10
Kán ɖ’é jí bá d’alɔ mɛ lɛ́
Nǔgbódodó: “Mǐ kán ɖ’é jí bo ná jlá wɛn ɖagbe Mawu tɔn ɔ mi, énɛ́ kɛ́ɖɛ́ ka wɛ ǎ, mǐ lɛ́ kán ɖ’é jí bo ná sɔ́ mǐɖésúnɔ bǐ jó dó ta mitɔn mɛ, ɖó mi vɛ́ nú mǐ tawun wútu.”—1 Tɛ. 2:8.
Nǔ e Jezu wa é
1. Kpɔ́n VIDEO ɔ, alǒ xa Jaan 3:1, 2. Énɛ́ gúdo hǔn, lin tamɛ dó nǔkanbyɔ́ élɔ́ lɛ́ jí:
-
Nikodɛ́mu yi mɔ Jezu ɖo zǎnmɛ; étɛ́wú é ka sixú ko ba mɔ̌?—Kpɔ́n Jaan 12:42, 43.
-
Ðó Jezu ɖɔ xó xá Nikodɛ́mu ɖo zǎnmɛ wú ɔ, nɛ̌ énɛ́ ka xlɛ́ ɖɔ é kán ɖ’é jí, bo ná d’alɔ mɛ lɛ́ bɔ yě ná húzú ahwanvú gbɔn?
Étɛ́ kpɔ́ndéwú Jezu tɔn ka sixú kplɔ́n mǐ?
2. Ðó mǐ yí wǎn nú gbɛtɔ́ lɛ́ wú ɔ, mǐ nɔ kán ɖ’é jí bá d’alɔ yě bónú yě ná húzú ahwanvú.
Xwedó kpɔ́ndéwú Jezu tɔn
3. Kplɔ́n nǔ xá Biblu kplɔ́ntɔ́ towe, ɖo hwenu kpó fí e nyɔ́ n’i é kpó. É sixú ba ná nɔ kplɔ́n nǔ ɔ ɖo azǎn tawun ɖé jí ɖo aklúnɔzángbla ɔ mɛ alǒ ɖo gan ɖé mɛ ɖo kéze ɔ mɛ. Azɔ̌watɛn tɔn, xwé tɔn gbe, alǒ tokplétɛn ɖé wɛ é ná vo ɖe hú gǎn bo kplɔ́n nǔ ɔ a? Wa nǔ e wú a kpé é bǐ bo húzú tito towe sɔgbe xá hudó tɔn lɛ́.
4. Mi ní nɔ kplɔ́n nǔ ɔ ɖo gbesisɔmɛ. Nú a jló ná zɛ hwɛ hǔn, ma sún nǔkplɔ́nkplɔ́n ɔ ó. É nyɔ́ wa hǔn, kpɔ́n ɖɔ:
5. Xo ɖɛ bá dó ɖó linlin ɖagbe. Ényí é ná bo tlɛ nɔ vɛ́ wǔ nú nǔkplɔ́ntɔ́ towe, bónú é ná nɔ kplɔ́n nǔ ɔ ɖo gbesisɔmɛ, alǒ xwedó wěɖexámɛ Biblu tɔn lɛ́ hǔn, byɔ̌ Jexóva ɖɔ é ní d’alɔ we nú a ná kpo ɖo gǎn dó wɛ. (Filí. 2:13) Nǔkplɔ́ntɔ́ towe sixú ko ɖó jijɔ ɖagbe gěgé, énɛ́ wú ɔ, xo ɖɛ bá dó sɔ́ ayi ɖó yě jí.
LƐ̌ KPƆ́N
Nǔx. 3:27; Mɛ. 20:35; 2 Kɔ. 12:15
