XIS KOROP
ODHEAI 10
Zata Tem Soglem Korat
Totv: “Ami tumkam fokot Devachi bori khobor porgottli itlench nhoi, punn amcho jiv pasun tumchea pasot diunk ami toiar asle. Karonn tumi amkam khub mogachim zalʼlim.”—1 Tes. 2:8.
Jezun Kitem Kelem?
1. VIDEO polloiat, vo Juanv 3:1, 2 vachat. Uprant hea prosnancher niall korat:
-
Nikodemus Jezuk mellonk ratchea vellar kiteak gelo?—Juanv 12:42, 43 polloiat.
-
Xis korchea kamant apleachean zata tem soglem korunk Jezu toiar aslo mhunn koxem kollon ieta?
Jezu Thaun Ami Kitem Xiktat?
2. Ami lokancho mog kortat dekhun tankam xis zaunk modot korunk ami amchean zata tem soglem kortat.
Jezuchi Dekh Gheiat
3. Tumchea vidʼdheartheak zai, tea zagear ani vellar obheas gheiat. Tumcho vidʼdhearthi khoinchea vellar ani khoinchea disak Bible obheas korunk sodhta tem taka vicharat. Taka tachea kamachea zagear, ghora vo anik khoinchea zagear obheas korunk avoddttolem? Tor tumchean zata tea bhaxen, tumchea vidʼdheartheak boreak poddttolem tea pormonnem bodlav korat.
4. Chukoinastana obheas gheiat. Tumi tharailolea disa obheas gheunk pavchimnant zalear, obheas cancel korchea bodlek:
5. Vidʼdhearthea vixim sarkem chintop dovrunk Jehova lagim magnnem korat. Vidʼdhearthi obheas chukoita vo to xikla tem apnnaunk taka kotthin zata zalear, tacho obheas rokddoch bond korinakat. (Filp. 2:13) Karonn, taka ghoddie zaite bore gunn astole. Tor tea gunnancher dhean diunk Jehova lagim magnnem korat.
HEM PASUN POLLOIAT
Mho. 3:27; Itihas 20:35; 2 Kor. 12:15
