OKUJIRA ABANAFUNZI
SOMO LYE 10
Ohigirire Kurhabala Abantu Babe Banafunzi
Akanuni: “Omu kubagwarha k’obuzigire bw’akasisi nka ntyo, rhurhalihigirire kubamenyesa emyazi minja ya Mungu konyinyine, si n’okubaha akalamo kerhu bulala mwaliyinjire kuba bazigirwa berhu bwenene.”—1 Te. 2:8.
Okuntu Yesu alijirire
1. Olole EVIDEO, changwa osome Yohana 3:1, 2. Oje wawaza oku bibazo bikulikireho:
-
Bichi byakaba byarhumaga Nikodemu alonza babuganane na Yesu ebudufu?—Olole Yohana 12:42, 43.
-
Bachibuganana, nka gurhe Yesu ayerekanaga kw’ahigirire kujira abanafunzi?
Bichi Ogula Mufano gwa Yesu Gurhuyigirize?
2. Rhunayerekana oku rhuzigire abantu omu kuhigirira kubajira banafunzi.
Oyiganye Yesu
3. Oyige n’omuntu omu kasanzi n’efasi emusimisize. Nkabaga akasima lusiku lulebe lw’eboso changwa isa ndebe omu lusiku. Akachiyunva bwinja bwenene nk’ayigiire oku kasi, ahamwage, changwa ahali bantu banene si? Nk’oku byakashobokana koshi ohindamule eprograme yawe epatane n’eyemwage y’ogala kumuyigiriza.
4. Muyinje mwayiga oku kahunda. Nk’orhabonekana, orhayimanzaga efunzo s’ahubwe olole:
5. Osalire y’ogwarha amawazo menja. Oheme Yehova akurhabale mugenderere kuyiga n’omwanafunzi wawe chiro akaba aherhe ebibazo binamubuza kuyiga oku kahunda changwa okukolesa empanulo ze Biblia. (Flp. 2:13) Byakashobokana ey’omwanafunzi wawe aherhe ngeso zinene zinja; oheme Yehova akurhabale oziseze k’obwenge.
