HAHEDIBA TAUDIA AI HALAOA
LESENI 10
Emu Lalona Oi Hadaia
Hakaua Hereva: “Emai lalona ai hadaia umui dekenai Dirava ena sivarai namona do ai harorolaia bona emai mauri ai henia umui ai durua totona.”—1 Tes. 2:8.
Iesu ese Ia Karaia Gauna
1. VIDIO itaia, eiava Ioane 3:1, 2 duahia. Bena inai henanadai oi laloa:
-
Dahaka dainai Nikodemo ia ura hanuaboi ai Iesu do ia itaia?—Ioa. 12:42, 43 itaia.
-
Iesu be hanuaboi ai, Nikodemo ida ia hedavari karana ese edena dala ai ia hahedinaraia, Iesu ia ura hahediba taudia halaoa gaukarana ia karaia?
Iesu amo Dahaka Ita Dibaia?
2. Iseda lalona ita hadaia bona taunimanima ita durua hahediba taudia ai idia lao karana ese ia hahedinaraia idia ita lalokau henia.
Iesu Tohotohoa
3. Emu Baibel stiuden ese ia abia hidi taim bona gabu ai stadi karaia. Reana wiki lalonai ia ura henia dina o taim do ia abia hidi. Ia ura gaukara gabunai, ruma, o pablik gabuna ta ai do umui stadi, a? Bema hegeregere, emu sediual oi haidaua unai amo ia abia hidi taim bona gabu ai iena stadi oi karaia.
4. Stadi reaia lasi. Bema gabu ta do oi lao, namo lasi stadi negana oi haidaua. To inai oi laloa:
5. Lalohadai maorona totona guriguri. Emu stiuden oi durua noho totona Iehova ena heduru oi noia. Ena be nega haida stadi ia reaia, o Baibel ena sisiba ia badinaia namonamo lasi. (Fili. 2:13) Reana ia be mai ena kara namodia momo; oi guriguri iena kara namodia sibona oi laloa totona.
