TISIPELE MACHE
LISYOON 10
Say pextimt
Printsipyum: ‘Meyer waare pextimt, net ploos ti kuute notisye fon Kot fer aych pekhant mache, awer aach unser aychne leepe fer aych kepe, wayl mer aych fiil keliipt hon.’ (1 The. 2:8)
Was hot Yeesus kemacht?
1. Kuk te WIITEO orer lees Yoohan 3:1, 2. Nochter, tuu tiise frooche antworte:
-
Warom wolt Nikotemus mit Yeesus in te nacht xpreche? (Kuk Yoohan 12:42, 43.)
-
Wii hot Yeesus ketsaycht tas eyer pextimt waar fer tisipele mache?
Was khene mer fon Yeesus lërne?
2. Meyer tsayche tas mer ti layt liipe wën mer pextimt sin fer tëne helfe tisipele wëre.
Mach Yeesus noo
3. Xtutiir mit te persoon in te uertsayt un ins plats woo peser fer tëm is. Fiilaycht wil eyer in een spetsiifix taach orer uertsayt xtutiire. Woo teet eyer sich peser xpiire fer se lërne: in te aarwayt, tehëm orer in een puuplix plats? Mach was tuu khanst fer tayn rotiin aan ti neetichkheete fon tayn xtutent aan phase.
4. Mach reeklich tas Piipel xtuutyum. Wëns fer tich net meechlich is tas xtuutyum perseenlich fiire, tuu es net ap saan. Xtats tas, tenk traan:
-
Khenst tuu tas xtuutyum in een aner taach fon te woch fiire?
-
Khenst tuu tas xtuutyum torich telefoon orer wiiteokonferëns mache?
5. Peet fer te richtich atituut hon. Ferlang tas Yeehoowa tich helfe sol net fon tayn xtutent uf kepe, aach wën eyer net reeklich xtutiirt orer lamsam is fer aan wëne was eyer lërnt. (Fili. 2:13) Tsiimlich sicher, hot tayn xtutent fiile kuute kwaliteete. Ferlang Kot sayn hilef tas tuu tich aan tiise kwaliteete traan hale khanst.
