OKUKAISA PO OVANDU OVAHONGEWA
EHONGWA 10
Okurimanena okuvatera ovandu okurira ovahongewa
Omurari: “Twe rirongera okuzuvarisa Ombuze Ombwa, nu ku ku he ri ko porwakwo, nungwari wina ku ku ri ingwi okuyandjera eṋe omiinyo vyetu.”—1 Tes. 2:8.
Oviṋa Jesus mbya tjita
1. Tarera OKAVIDIO, poo lesa Johanes 3:1, 2. Okuzambo tara komapuriro ngu maye kongorere mba:
-
Omena raye Nikodemus tja kavarura Jesus ongurova?—Tara ku Johanes 12:42, 43.
-
Hapo Jesus wa raisa vi kutja we rimanena okukaisa po ovandu ovahongewa, indu tja hakaena ku na Nikodemus ngurova?
Matu rihongere ko ye okuza ku Jesus?
2. Mena rokutja twa suvera ovandu, eṱe twe rimanena okuvevatera okurira ovahongewa.
Horera ku Jesus
3. Rihonga ku nomuhongwa woye wOmbeibela moiri noruveze ndwa pu ku ye. Eye mape ya a kara neyuva kaaṋi poo oiri ndji ma vanga okurihonga mokati kotjivike. Hapo mai rire oupupu ku ye okurihongera poviungura vye, ponganda, poo momivanda vyotjihuro? Indu tji mo yenene, rundurura oruveze rwoye kutja mu yenene okurihonga oiri noruveze ndwa pu ku ye.
4. Rihonga aruhe. Indu tji mo i kwarwe, tjita kutja omuhongwa woye ma kayende komurungu okukara nomerihongero wOmbeibela. Tara komapu nga:
-
Hapo mape ya amu tjiti omerihongero wOmbeibela oruveze rwarwe motjivike ho?
-
Hapo mape ya amu tjiti omerihongero wOmbeibela okupitira mongoze poo morungovi?
-
Hapo mape ya o ningire omuzuvarise warwe okurihonga Ombeibela ku nomuhongwa woye?
5. Kumba kutja u kare nongaro ombwa. Ningira Jehova okukuvatera okuhinokuyumba ohama komuhongwa woye wOmbeibela, nandarire indu tje rira ouzeu ku ye okurihonga aruhe poo tje ri ouzeu okuṱakamisa oviṋa mbi me rihongo. (Fil. 2:13) Mape ya kutja omuhongwa woye u novikaṋena oviwa ovingi. Kumba kutja u yandje ombango kovikaṋena mbyo.
