NGAGA ORANG NYADI MURID
PELAJAR 10
Komitmen
Prinsip: “Kami ukai aja keran deka nusui Berita Manah pasal Petara ngagai kita, tang kami mega keran deka nyerahka nyawa diri ketegal kami balat rinduka kita.”—1 Tes. 2:8.
Nama Utai Ti Digaga Jesus?
1. Peda VIDEO, tauka bacha John 3:1, 2. Udah nya, perundingka sekeda tanya tu:
-
Nama kebuah Nikodimus milih deka betemu enggau Jesus maya malam hari?—Peda John 12:42, 43.
-
Baka ni Jesus nunjukka diri keran deka ngaga orang nyadi murid lebuh iya betemu enggau Nikodimus maya malam hari?
Nama Ulih Dipelajarka Kitai Ari Jesus?
2. Ketegal kitai rinduka orang, kitai keran deka nulung sida nyadi murid.
Neladan Jesus
3. Belajar ba maya sereta endur ke senang ba pemelajar Bup Kudus nuan. Iya engka milih kemaya sereta hari berapa iya deka belajar. Kati iya selesa agi deka belajar ba endur iya gawa, ba rumah tauka ba luar? Enti ulih, ubah meh jadual nuan ngambika ulih belajar enggau iya ba maya sereta endur ti dipilih iya.
4. Belajar enggau tetap. Enti nuan deka mindah kini-kini, anang meh nginsil pengawa belajarka Bup Kudus enggau pemelajar nuan. Tang, perundingka:
-
Kati nuan ulih belajarka Bup Kudus ba hari bukai dalam minggu nya?
-
Kati nuan ulih belajarka Bup Kudus enggau iya nengah talipun tauka konferen video?
-
Kati nuan ulih ngasuh menyadi bukai nganti nuan belajarka Bup Kudus enggau iya ba minggu nya?
5. Besampi ngagai Jehovah ngambika ulih nulung nuan bisi runding ti betul. Minta Jehovah nulung nuan enda putus asa enggau pemelajar Bup Kudus nuan, taja pan iya engka enda belajar enggau tetap tauka lubah nitihka utai ti dipelajarka iya. (Plp. 2:13) Pemelajar nuan engka bisi mayuh sifat ti manah. Nya alai, besampi meh ngambika nuan ulih befokus ba pemanah iya.
PEDA MEGA
J-lam. 3:27; SKR. 20:35; 2 Kor. 12:15
