Ō LƐ ĀCƐ PIYA AYIKPO
ƐLĀ Ō NWU ƆMƐ 10
Le Tutu Ō Ta Ācɛ Abɔ Kéē Kwu Piya Ayikpo
Ukɔ́: “Alɔ le tútū ká ālɔ̄ cɛ̄ lɛ aá jé odée lɛyíkwu ɔ̄kōolɔhi nōo ŋmá ɛgiyí Ɔwɔicō ā. Ó wɛ ɔ́ɔmā ōfūnū ŋ́, amáŋ alɔ le tútū ō kwú lɛ aá dúú. Aá he alɔ ɔtū nɛ̄ɛ̄nɛ̄hi.”—1 Utes. 2:8.
Ɔdā Nɛ Ujisɔsi Ya
1. Lɛ UVIDIO nyā mafu, amāŋ jé Ujɔ́ni 3:1, 2. Cɛɛ a leyi yɛ aɔka nōo ba nyā:
-
Ɔdiya nɛ a gbɛla ku Unikɔdimɔsi gā ɛgiyi Ujisɔsi otu a? —Má Ujɔ́n. 12:42, 43.
Ɔdi Nɛ Alɔ Nwu Ŋma Ɛgiyi Ujisɔsi A?
2. Ohigbu ku alɔ yihɔtu ācɛ a, alɔ le tutu ō tu uwa abɔ kéē kwu piya ayikpo.
Gbla Ujisɔsi Ya
3. Ya oklɔcɛ eko mla ɛga nōo he ɔcɛ nɛ a gē klɔcɛ ku Ubáyíbu mla ɔ a ɔtu. Ó lɔfu lɛ ɛ̄cī éyi ipu alaadi amāŋ eko nōo he ɔ ɔtu. Ó géē dɔka ō ya oklɔcɛ ku Ubáyíbu ɛga uklɔ ku nu, ɔlɛ nu amāŋ ɛga nɛ ɛwa yɔ? Ɔdaŋ kóō tɔɔtɛ, lɛ āhɔ̄ ku uwɔ tuya o ya ɛɛ ku a klɔcɛ mla ɔ eko mla ɛga nōo lɔhi lɛ ɔ fiyɛ duu a.
4. Ya oklɔcɛ ojigogo. Ɔdaŋ ku á gáā yɔ ŋ, a hii ci ōmiya ku oklɔcɛ nɛ aa lɛ gbɔbu a ŋ. Ikɔkɔ ɔɔma, leyi yɛ aɛlā nyā:
-
A lɔfu ya oklɔcɛ a mla ɔ o bu ipu ɔdā ō le gwo uwaya amāŋ o bu ipu videoconferencing?
-
A lɔfu da ɔcɛ ō tɔɔna ɛlā Ɔwɔico ɔhá kóō ta uwɔ abɔ ya oklɔcɛ a gla a?
5. Gbɔɔkɔ ku a leyi má ɛlā ɔwɛ olɔhi. Da Ujehofa kóō ta uwɔ abɔ ku ɛ̄jɛ̄ kóō hii jɛ uwɔ lɛyikwu ɔcɛ nɛ a gē klɔcɛ mla ɔ a ŋ, ɔdaŋ nɛ ó kóō ya oklɔcɛ ojigogo ŋ amāŋ yɔ i pi ɔkwu ajɛ ō bi aɔdā nɛ ó yɔ i nwu a le yuklɔ. (Ufíl. 2:13) Ó lɛ aafu ŋ, ɔcɛ nɛ a gē ya oklɔcɛ mla ɔ a lɛ auce ō ya olɔhi alɛwa; gbɔɔkɔ ku Ujehofa kóō ta uwɔ abɔ ku a leyi ku uwɔ kwu uwa.
