DA ANGỊKỊLA ỤBWỌ NYỌKA RI ANGỊJỤGBẸYỊ
ANG ỌJẸ́JẸ 10
Nwụlanọ Nyọka Da Angịnyị Ụbwọ Ri Angịjụgbẹyị
Itiwe nya Ehile: “Ahị́ nwụlanọ nyọka ya ẹrụ ọnyịịla ọlẹ jenu papịla ịịwẹ kem ka. Ma, ahị nwụlanọ kahị ka kpa ọhịhị nyahị lẹpwụ-lẹpwụ wuu myị ẹrụ hanụ ịnyịnyị. Chajị, anụ ri angị háahị há lụmẹ ka kpoye.”—1 Tẹs. 2:8.
Ang Ọlẹ ká IJisọsị Họ
1. Yẹ IFIM ọwẹ, lee wa ịJọn 3:1, 2. Ká kụ ẹhị yẹ ịtọ ẹla ileji ịlẹ:
-
Ịyẹ à tị́ me irya kọ du ká iNikodimọsị wẹ ẹga nya iJisọsị lodu?—Yẹ ịJọn 12:42, 43.
-
Ányị iJisọsị à tị́ mẹjẹ nyori ọ nwụlanọ nyọka da angịkịla ụbwọ kị ka ri angịjụgbẹyị bwula ọlẹ kọ ta iNikodimọsị lodu?
Ẹlịyẹ Ahị Tị́ Jẹ́ Bwu Ẹga nya IJisọsị?
2. Ahị kaa mẹjẹ nyori angịnyị háahị bwula ọ-nwụlanọ nyọka daa ụbwọ wẹ ka ri angịjụgbẹyị.
Ba Ọgụ-ẹpẹtẹ nya IJisọsị Jẹ
3. Jẹ́ ang bala ọngọlẹ ká wẹẹ jẹ́ ịBayịbụụ ta ẹ-ẹga bala ụka ọlẹ kọ pwoku họọ gụ. Ọhẹka ahyẹẹnụ ọhẹ kpangga ẹ-ẹpwụ nya epwihi lee ụka ọhẹ ẹ-ẹpwụ nya ahyẹẹnụ a họọ gụ lẹ. Ọ ka kpọọ ịpyọ gụ nyọka jẹ́ ang ẹga kọọ họ ụkụrwọ, ẹpwa nyamwụ, lee ẹ-ẹpwụ nya alụma tị? Maga yẹẹyẹẹ nyọka nwụ iwe-ahụrụ nyang họ ká ka jẹ́ ang balọọ ụka bala ẹga ọlẹ kọ họọ.
4. Anụ chị ang ọjẹ́jẹ da ka. Kori á ka ji ẹpwa ka, a da ang ọjẹ́jẹ yi chajị nyọọwa ka. Ọkọkọ nyọọwa, kụ irya wẹẹ:
5. Raabwọ nyọka la irya o-pwoku. Bịlẹ iJihova chajị ká ang ọjẹ́jẹ nya ọngọlẹ ka wẹ jẹ́ ang ta á ka jụng a-abwọ ka, kori kọọ lujwo nyọka jẹ́ ang hyaa-hyaa lee ọ-kpa ẹla ọlẹ kọ wẹẹ jẹ bwu ịBayịbụụ họ ụkụrwọ wẹwẹ. (Filip. 2:13) Ọ-chịkpẹẹ ká ọngọlẹ ka wẹ jẹ́ ang ta ká la abwẹlạ ịnyịịla ju iru myị, lẹ raabwọ chajị ká ka yẹhị rịrị u-uhye nya abwẹla ịnyịịla ịịwa.
