TAƔURI N WEDLIS IQEDSEN
TIMEƔRI 10
Xdem ayen akk yellan fell-ak
Amenzay: “Nwala belli d ayen yelhan a wen-nefk, mačči kan Linǧil n Yillu, lameɛna ula d leɛmuṛ-nneɣ, axaṭer tuɣalem ɛzizit fell-aɣ” (1 Itisal. 2:8).
Lemtel i ɣ-d-yeǧǧa Ɛisa
1. Wali BIDYU-YAGI neɣ ɣer-ed Yuḥenna 3:1, 2. Mbeɛd, xemmem ɣef yesteqsiyen i d-iţeddun.
-
Acuɣer i gṛuḥ Niqudimus a d-iẓer Ɛisa deg yiḍ? (wali Yuḥenna 12:42, 43).
-
Ɛisa iberreḥ i Niqudimus ula deg yiḍ. Amek i d-ibeggen s wayagi belli yebɣa ad yerr wiyaḍ d inelmaden yerna yefka azal i leqdic-agi?
Ayen i d-nelmed sɣur Ɛisa
2. Ma nḥemmel lɣaci, a nexdem ayen akk yellan fell-aneɣ bac a ten-nɛiwen ad uɣalen d inelmaden.
Ɛaned Ɛisa
3. Sɣaray Adlis Iqedsen di lawan akk-d wemkan i gsuɛden win i tesselmadeḍ. Yezmer lḥal ad yebɣu ad iɣer deg wexxam-is, anda i gxeddem neɣ di beṛṛa. Ma yella wamek, qqar yid-es di lweqt akk-d wemkan i s-iɛeǧben.
4. Qqar yid-es mkul smana. Ma twalaḍ belli ur tessawaḍeḍ ara a t-tseɣreḍ ass-nni ideg i tuɣeḍ tannumi, xemmem ɣer wayagi:
5. Ḍleb-as i Yahwa a k-iɛiwen aţ-ţesɛuḍ tamuɣli yelhan. Ahat win i tesɣarayeḍ ur ixeddem ara dima lmeǧhud bac ad yeqqar Adlis Iqedsen mkul smana neɣ bac ad yeṭṭebbiq ayen i d-ilemmed. Xas akken, ḍleb-as i Yahwa a k-iɛiwen aţ-ţxedmeḍ ayen akk yellan fell-ak bac aţ-ţkemmleḍ taɣuri yid-es yerna aţ-ţeţţarraḍ lbal-ik ɣer ṣṣifat-ines (Ifilib. 2:13).
