KPƐLƖKƖYAA LABƲ
TƆM KƖKPƐLƖKƖTƲ 10
Tɛ ña-taa se ŋlakɩ tɔmkpɛlɩkɩyaa
Paɣtʋ kiɖe: «Ðɩɩtɛm ɖa-taa se pɩtɩkɛ Ɛsɔ tɔm kɩbandʋ ɖeke ɖisusuu-mɩ, ɛlɛ ɖɩcɛlɩɣ-mɩ ɖɔɖɔ ɖa-maɣmaɣ ɖa-tɩ; mbʋ pʋyɔɔ yɔ ɩpɩsɩ ɖa-kʋsɔɔlaa siŋŋ.»—1 Tes. 2:8.
Mbʋ Yesu laba yɔ
1. Cɔnɩ VIDEO, yaa kalɩ Yohanɛɛsɩ 3:1, 2. Pʋwayɩ lɛ ŋmaɣzɩ tɔm tʋnɛ tɩ-yɔɔ:
-
Pɩtɩla, ɛbɛ yɔɔ Niikoodɛm kaasɔɔlaa se ewolo Yesu cɔlɔ ɖoo taa?—Cɔnɩ Yoh. 12:42, 43.
-
Yesu kaatisuu nɛ Niikoodɛm wolo ɛ-cɔlɔ ɖoo taa yɔ, ɛzɩma pɩwɩlɩɣ se ɛɛtɛm ɛ-taa se ɛsɩɣnɩ ɛyaa nɛ papɩsɩ tɔmkpɛlɩkɩyaa?
Ɛbɛ ɖɩkpɛlɩkɩɣ Yesu kɩɖaʋ taa?
2. Ye ɖɩtɛm ɖa-taa se ɖɩsɩɣnɩ ɛyaa nɛ papɩsɩ tɔmkpɛlɩkɩyaa yɔ ɖɩwɩlɩɣ se ɖɩsɔɔlɩ-wɛ.
Maɣzɩnɩ Yesu
3. Tisi nɛ ña nɛ ñe-Bibl kpɛlɩkɩyʋ ɩkpɛlɩkɩ lone nɛ alɩwaatʋ ndʋ tɩkɩlɩ-ɩ kɛdɩnʋʋ yɔ tɩ-yɔɔ. Pɩtɩla pɩkɛdɩɣnɩ-ɩ se ña nɛ ɩ ɩkpɛlɩkɩ kpɩtaʋ taa evemiye naɖɩyɛ wiye nɛ ñɩɣyʋʋ nakʋyʋ yɔɔ ɖeyi ɖeyi. Pɩkɩlɩɣ-ɩ kɛdɩnʋʋ se ña nɛ ɩ ɩkpɛlɩkɩ ɛ-tʋmɩyɛ taa, ɛ-ɖɩɣa yaa lone lɛɛɖɛ naɖɩyɛ taa? Ye pɩsaŋ yɔ, lɛɣzɩ ña-ɖʋtʋ nɛ pɩsa nɛ ña nɛ ɩ ɩkpɛlɩkɩ lone nɛ alɩwaatʋ ndʋ tɩkɩlɩ-ɩ kɛdɩnʋʋ yɔ tɩ-yɔɔ.
4. Ɩkpɛlɩkɩɣ ɖoŋ ɖoŋ. Ɩtaafɛɛ kpɛlɩkʋʋ. Ye ŋŋwɛɣ yɔ, maɣzɩ tɔm tʋnɛ tɩ-yɔɔ:
-
Ɛzɩ ɩpɩzɩɣ nɛ ɩkpɛlɩkɩ alɩwaatʋ lɛɛtʋ yɔɔ kpɩtaʋ ŋgʋ kɩ-taa?
-
Ɛzɩ ɩpɩzɩɣ nɛ ɩtɩŋnɩ kaŋgalaafu yaa visioconférence yɔɔ nɛ ɩkpɛlɩkɩ?
5. Tɩmnɩ Yehowa se ɛsɩnɩ-ŋ nɛ ŋwɛɛnɩ wɛtʋ kɩbandʋ. Pɔzɩ Yehowa se ɛsɩnɩ-ŋ nɛ ŋtaalɔ lidaʋ ñe-Bibl kpɛlɩkɩyʋ yɔɔ, paa ɛɛkpɛlɩkɩɣ ɖoŋ ɖoŋ yaa ɛɛɖɔŋ Bibl lɔŋ tasʋʋ yɔɔ lɛɛ lɛɛ yɔ. (Filp. 2:13) Pɩtɩla, ñe-Bibl kpɛlɩkɩyʋ wɛnɩ wɛtʋ kɩbandʋ sakɩyɛ; tɩmnɩ Yehowa se ɛsɩnɩ-ŋ nɛ ŋka ña-lɩmaɣza tɩ-yɔɔ.
