TZOLEBʼ
TZOLOM 10
Bʼaanu li xaaye
Li naxye li Santil Hu: «Nasahoʼk qachʼool chi xkʼebʼal eere li chaabʼil esil chirix li Yos ut xkʼebʼal eere li qayuʼam re eetenqʼankil» (1 Tes. 2:8).
Li kixbʼaanu li Jesús
1. Taawil li BʼIDEO malaj taayaabʼasi Juan 3:1, 2. Chirix chik aʼan taatzʼil rix ebʼ li patzʼom aʼin:
-
Kʼaʼut nakaakʼoxla naq laj Nicodemo xkoho rilbʼal li Jesús chiru qʼoqyink? (Taayaabʼasi Juan 12:42, 43).
-
Naq li Jesús kixkʼulubʼa raatinankil laj Nicodemo chiru qoqʼyink, chanru kixkʼutbʼesi naq naraj naq t-oq choʼq xtzolom?
Kʼaru naqatzol rikʼin li Jesús?
2. Saʼ xkʼabʼaʼ naq naqara ebʼ li qas qiitzʼin, naqekʼa naq tenebʼanbʼil saʼ qabʼeen xtenqʼankilebʼ re naq teʼoq choʼq xtzolom li Jesús.
Kʼam aawe rikʼin li Jesús
3. Kʼe xtzolbʼal saʼ li hoonal ut saʼ li naʼaj li naraj li qas qiitzʼin. Saʼ kʼaru kutan malaj hoonal twulaq raj chiru tzolok? Bʼar raj qʼaxal twulaq chiru tzolok: ma saʼ li xkʼanjel, saʼ li rochoch malaj bʼarwiʼ nekeʼnumeʼk naabʼal li qas qiitzʼin? Wi naruhank, kʼe xtzolbʼal saʼ li kutan ut saʼ li hoonal li naraj aʼan.
4. Rajlal tattzoloq rikʼin. Wi maaʼaniqat, sikʼ chanru ttzoloq. Ma ak xaakʼoxla xbʼaanunkil aʼin?
5. Tijon chiru li Jehobʼa re naq taawil xchaabʼilal ru xnaʼlebʼ. Ye re li Jehobʼa naq tatxtenqʼa re naq inkʼaʼ taakanabʼ xkʼutbʼal li yaal chiru li qas qiitzʼin. Ut aajel ru xbʼaanunkil aʼin, usta moko rajlal ta natzolok malaj nachʼaʼajkoʼk chiru xyuʼaminkil li yook xtzolbʼal (Filip. 2:13). Chʼolchʼo naq laatzolom chaabʼil xnaʼlebʼ, tzʼaama re li Jehobʼa naq tatxtenqʼa chi rilbʼal aʼin.
TAAYAABʼASI AJWIʼ
Prov. 3:27; Hech. 20:35; 2 Cor. 12:15
