KUBHANGA MAXIBULU
DISÁ 10
Bhanga Yoso Phala Kukwatekesa o Athu Kukala Maxibulu
Kitumu: “Ki twa mesenene ngó ku mibokela o njimbu yambote ya Nzambi maji twa bhakwile we o myenyu yetu kokwenu, mukonda twamizolo kyavulu.”—1 Te. 2:8.
Ihi Yabhange Jezú
1. Tala o VIDYU, mba tanga Nzwá 3:1, 2. Mukusuluka xinganeka ku ibhwidisu yiyi:
-
Nange mukonda dyahi Nikodemu wasoto Jezú m’usuku?—Tanga Nzwá 12:42, 43.
-
Mu kudisanga ni Nikodemu m’usuku, kyebhi Jezú kyalondekesa kwila wamesenene kubhanga maxibulu?
Kima Kyahi Kitulonga o Phangu ya Jezú?
2. Tulondekesa kwila twazolo o athu, mu kubhanga yoso phala ku akwatekesa kukala maxibulu.
Kayela Jezú
3. Longa mu ola ni kididi kyawabhela o muthu. Mwene nange wasolo kizuwa ni ola mu semana. O kwila kikota kudilonga mu kididi kyê kya kukalakala, mba kubhata dyê mba kididi kyengi mu bhita mundu wavulu? Se kibhana, lungulula o kithangana kyé phala utene kumulonga mu ola ni mu kididi kyawabhela mwene.
4. Dilongyenu semana joso. Se wandakwenda njila, kana kusukisa o kudilonga. Muveji dya kiki, xinganeka:
-
O kwila utena kumulonga mu kizuwa kyengi mba ola yengi mu semana yenyoyo?
-
O kwila utena kumulonga mu telefone mba mu vidyokonferensya?
5. Samba phala ukale ni ibanzelu yambote. Bhinga kikwatekesu kwa Jihova phala kulanduke dixibulu dyé, ne se mwene kamudilonga semana joso mba wamulaleka phala kubelesela o ilongesu ya Bibidya. (Fil. 2:13) Dixibulu dyé nange wala ni ifwa yambote, ifwa yavulu; bhinga kwa Nzambi phala utale dingi o ifwa yambote yala nayu o dixibulu.
TANGA WE
Jisa. 3:27; Ika. 20:35; 2 Ko. 12:15
