ШАГЬРТА ҺАЗЬР КЬН
ДӘРСА 10
Бь Хирәт Шагьрта Һазьр кьн
Принсип: «Мә дьхԝәст нә кӧ тʹәне Мьзгинийа Хԝәде бьда ԝә, ле әʹмьре хԝә жи, чьмки һун бьбунә дәлалийед мә» (1 Тʹеслн. 2:8).
Мәсәла Иса
1. Бьньһерʹьн ВИДЕО, йан жи бьхуньн Йуһʹәнна 3:1, 2. Паше ван пьрса шеԝьр кьн:
-
а. Чьрʹа Никодеморʹа дәст дьда, ԝәки шәв рʹасти Иса бе? (Бьньһерʹьн Йуһʹәнна 12:42, 43).
-
б. Әв йәк кӧ Иса һазьр бу шәв жи Никодемо һин кә, чаԝа дьдә кʹьфше, ԝәки әԝи бь хирәт дьхԝәст шагьрта һазьр кә?
Әм жь Иса Чь Һин Дьбьн?
2. Әм дьдьнә кʹьфше ԝәки мәрьва һʹәз дькьн, гава бь хирәт али ԝан дькьн кӧ бьбьнә шагьрт.
Чʹәʹв Бьдьнә Иса
3. Ви ԝәʹдәйи у ви щийи һинбуне дәрбаз кьн, кӧ шагьрте ԝәрʹа дәст дьдә. Дьԛәԝьмә нава һʹәфтийеда жерʹа рʹож йан сьһʹәтед конкрет дәст дьдә һин бә. Дьбәкә жерʹа дьһа рʹьһʹәт ә сәр хәбате, мале йан жи щики дьн Кʹьтеба Пироз һин бә? Чь жь дәсте ԝә те бькьн, ԝәки һинбуне ви щийи у ԝәʹдәйи дәрбаз кьн, кʹижан кӧ шагьрте ԝәрʹа дәст дьдә.
4. Тʹьме һинбуне дәрбаз кьн. Һәрге һуне щикида һәрʹьн, диса жи һинбуне нәдьнә сәкьнандьне. Дәԝсе бьфькьрьн:
-
а. Дьԛәԝьмә ве һʹәфтийе, һун рʹожәкә дьн дькарьн һинбуне дәрбаз кьн?
-
б. Дьбәкә һун бькарьбьн бь сайа тʹеле йан жи видеоконференсийайе һинбуне дәрбаз кьн?
-
щ. Һун дькарьн жь хьзмәткʹарәки дьн бьпьрсьн, ԝәки әԝ һинбуне дәрбаз кә?
5. Дӧа кьн ԝәки ньһерʹандьна рʹаст хԝәй кьн. Жь Йаһоԝа бьхԝазьн, ԝәки али ԝә бькә хирәта хԝә ӧнда нәкьн у бәрдәԝам кьн али шагьрте хԝә бькьн, һәла һе ви чахи жи гава щарна әԝ һинбуне бәрʹдьдә, йан жи чь кӧ педьһʹәсә дәрберʹа найнә сери (Фили. 2:13). Дьԛәԝьмә гәләк һʹӧнӧред баш жи щәм шагьрте ԝә һәнә, дӧа кьн ԝәки һун дина хԝә бьдьнә ван һʹӧнӧра.
ӦСА ЖИ БЬНЬҺЕРʹЬН
Мәтʹлк. 3:27; Кʹар. Шанд. 20:35; 2 Корн. 12:15
