ERIYIRA ABIGHA
ERISOMO 10
Eriyihayo
Omusingyi: “Thwabya thwanzire erisangira nenyu butsira engulhu yuwene iyoyene, nikwa n’esyongebe syethu nibya. Mwabya banze bethu kutsibu!”—1 Tes. 2:8.
Ebya Yesu Akolha
1. Mulebaye EVIDIYO, kutse musome Yoane 3:1, 2. Neryo mukanaye okwa bibulyo bino:
-
Ni kyahi ekyangabya iky’ekyaleka Nikodemo inianza erikania na Yesu omwa kiro?—Lebaya Yoane 12:42, 43.
-
Omw’ihikira Nikodemo y’omwa kiro, Yesu mwakangania athi kw’abiriyihayo eriyira abigha?
Ni Byahi Ebya Thuk’ighira oku Yesu?
2. Thukakanganaya ku thwanzire abandu omw’iyihayo eribawathikya eribya bigha.
Gherereraya Yesu
3. Mw’ighire okwa ndambi n’omwanya ogho omwigha wawu anzire. Iniangananza ekiro kirebe omo wiki kutse okwa ndambi ndebe y’ekiro ekyo. Mbwino inianemwendi yowa buholho erighira aho akakolera, eka ewiwe, kutse ahakabya abandu bangyi? Mbulha ni kyahi, kyamathokekana hindulha endegheka yawu erikwamana n’ebiyithawa biwe.
4. Mw’ighe mughulhu wosi. Wamabya isiwendibyaho, isiwabugha wuthi simwend’igha. Omwakanya k’ekyo, lengekanaya oku bino:
5. Saba erihebwa amalengekania awatholere. Saba Yehova akuwathikaye erisighalha iwunayihereyo okwa mwigha wawu, nomukyangabya ikikamukalira erigha mughulhu wosi kutse erighendera okw’ihabulha ly’Amasako. (Fil. 2:13) Obundi omwigha wawu anawithe emibere mingyi eyuwene; saba Yehova akuwathikaya wuhweraye amalengekania w’okwa mibere eyo.
