OREK MWET TUHMA LUTLUT
MWE LUTLUT 10
Kwacfeacng In Kahsruh Mwet Uh
Oakwuck Wowo: “Kuht tuh ahkolah in sot nuh suwos pweng wo luhn God ac oacyacpac moul lasr sifacna, mweyen kowos arulacna sacohk sesr.”—1 Thes. 2:8.
Meac Jesus El Oruh
1. Liye VIDEO se, kuh riti John 3:1, 2. Tohkohyang nuhnkuh ke kihsen siyuck inge:
-
Kom nuhnkuh muh efuh kuh Nicodemus el muhtwacta nuh yohrohl Jesus ke fong?—Liye John 12:42, 43.
-
Ke Jesus el ohsun nuh sel Nicodemus ke fong, el ahkkahlwemye fuhkah lah el kwacfeacng in orek mwet tuhma lutlut?
Meac Kuht Kuh In Lotwelah Kacl Jesus?
2. Ke srihpen kuht luhngse mwet uh, pwacnacng kuht kwacfeacng in kahsrelos in eklac mwet tuhma lutlut.
Etahel Jesus
3. Lutlut ke pacl ac ke acn ma wo nuh sin mwet lutlut Bible lom an. Sahp el luhngse in lutlut ke sie pacl kuh lwen ke wik se. Yac el luhngse in oruh lutlut ke acn in orekma lal, ke lohm sel, kuh ke siena acn sahyac? Fin kuh, ikihl oakwuck lom an tuh kom in kuh in lutlut nuh sel ke pacl ac acn ma wo nuh sel an.
4. Lutlut pacl nuhkewa. Kom fin tiac kuh in oruh lutlut Bible nuh sin mwet sacn ke pacl se, nikmet fahk nuh sel lah komtacl ac tiac lutlut ke wik sacn. A, nuhnkuh ke ma inge:
-
Yac kom kuh in oruh lutlut an ke sie pacl sahyac ke wik sacn?
-
Yac kom kuh in oruh lutlut ke phone kuh ke inkacnek luhn videoconferencing?
5. Puhruhe siyuck lah kom in kwacfeacng pacl nuhkewa. Siyuck sin Jeova elan kahsre kom in tiac fuhlweack nuh sin mwet lutlut lom, finne el tiac oruh lutlut lal ke kais sie wik kuh paht elan orekmakihn ma el lotwelah. (Php. 2:13) Sahp, oasr ohiyac wowo pucspucs luhn mwet lutlut lom an; puhruhe siyuck ke kahsruh kom in lohacng yohk nuh kac.
