KUMISA BANTU BANLONGUKI
DILONGI 10
Vuanda na nzengolo ya kusadisa bantu samu bakuma banlonguki
Nsikudukusu: ‘Beto vuandaka na lukanu ya kupesa beno kaka nsangu ya mbote ya Nzambi ve, kasi mpe luzingu na beto mosi, samu beno kumaka bantu yina beto kezolaka mingi.’—1 Te. 2:8.
Mambu yina Yesu salaka
1. Tala VIDEO, to tanga Yoane 3:1, 2. Na manima tadila biuvu yayi melanda:
-
Nge mekanisa ti samu na yinki Nikodeme kuendaka tala Yesu na mpipa?—Tala Yoane 12:42, 43.
-
Na kukutanaka na Nikodeme na mpipa, yinki mutindu Yesu monisaka ti yandi vuandaka na nzengolo ya kukumisa bantu banlonguki?
Yinki dilongi beto mebaka na kifuani ya Yesu?
2. Lokola beto kezolaka bantu, beto kevuandaka na nzengolo ya kusadisa bau samu bakuma banlonguki.
Landa kifuani ya Yesu
3. Beno longuka na wola mpe na kisika yina mebonga samu na nlonguki na nge ya Biblia. Nlonguki lenda sepela kupona kilumbu mosi na sabala to wola mosi na kilumbu. Yakevuanda mbote samu na yandi kulonguka na kisika na yandi ya kisalu, na yinzo na yandi, to na kisika ya bantu mingi? Kana dikoki kele, bongisa programe na nge samu na kukokisa bansatu na yandi.
4. Beno longukaka mbala na mbala. Kana nge kevuanda ve, kubebisa ve programe ya ndongokolo. Kasi, tadila mambu yayi:
5. Sambila samu na kuvuanda na makanisi ya mbote. Lomba Yehova sadisa nge nge sundola ve nlonguki na nge, ata kana yandi kelongukaka ve mbala na mbala to yandi kena kusadila ve mambu yina yandi kena kulonguka. (Fil. 2:13) Kondua ntembe, nlonguki na nge kele na bikadulu mingi ya mbote; sambila samu na kubaka lusadusu yina kesala ti nge tudila bikadulu yango dikebi.
