KITULA O WANTU SE ALONGOKI
LONGI DIA 10
Kala ye Kani dia Sadisa Wantu Bakituka se Alongoki
Nkanikinu: “Ke twakala kaka ye kani dia kunusamunuina e nsangu zambote za Nzambi ko, kansi twayekola mpe mioyo mieto, kadi nuatoma zolakana kwa yeto.”—1 Tes. 2:8.
Adieyi Yesu Kavanga?
1. Tala e VIDEO yovo tanga Yoane 3:1, 2. I bosi, vana e mvutu za yuvu ilende:
-
Ekuma Nikodemo kakingulwila Yesu muna fuku?—Tala Yoa. 12:42, 43.
-
Vava Yesu katambula Nikodemo muna fuku, aweyi kasongela vo wakala ye kani dia kitula wantu se alongoki?
Adieyi Tulongokele Muna Mbandu a Yesu?
2. Wau vo tuzolanga wantu, tuna ye kani dia kubasadisa bakituka se alongoki.
Tanginina Yesu
3. Longokanga yo muntu muna ola ye fulu kina vo kiambote kwa yandi. Nanga o muntu olenda sola lumbu ye ola yasikididi muna lumingu. Nga oyangalela longokela kuna salu, kuna nzo andi yovo va fulu kia ndonga? Avo dilendakana, soba e programa aku kimana walongoka yandi muna ola ye fulu kina vo kiambote kwa yandi.
4. Nulongokanga konso lumingu. Avo kukala ko, kuvunzanesa longi dieno ko. Kansi ukiyuvula:
5. Samba kwa Yave kimana wakala yo nyindu asikila. Lomba kwa Yave kasadisa muna lembi yoya avo o nlongoki ke longokanga konso lumingu ko yovo diampasi kwa yandi mu sadila mana kelongokanga. (Fili. 2:13) Nanga o nlongoki aku fu yayingi yambote kena yau, ozevo samba kwa Yave kasadisa mu sia e sungididi muna fu yayi.