LONGA LE DDI NDRŬ DHO NARI
SOMO 10
Bbʉ le le bbʉ longaddidha dho nari
Kanuni: “Ko nzá vʉngʉeri ko d’ra Mungu dzá hwè lo-i dhé ni dho ri, ro ko jingʉeri ko bbʉ kodhó shinga maddi ni djotsina dhonalo ni ngʉe bbo ko ji ná ndrŭ.”—1 Te. 2:8.
Yesu njingʉe ná lo
1. Anja VIDEO, inga azø Yohana 3:1, 2. Føri goti addinga i ngadhudha djo:
Ko ká ba ngbá somo Yesu dhó lo nǎ ro?
2. Ko jirie ndrŭ ji nari dho ko adi ko bbʉbbʉ ndiro ko ddi longa kpa dho d’e.
Adyø Yesu
3. Anizø nga mwanafunzi na bblo kʉ ke dho ná saa na ndirigoti bblo kʉ ke dho ná ngana. Ke ka ndi vʉ ndima di ngazø ná ddo ma, saa ma na. Ke ká ka ndi jiri ni di ngazø ndidhó njí dhi ngana, abba inga bí ndrŭ kʉ ná ngana? Ngbà ri ka ró aø nidhó programu thika ndiro ni di ngazø bblo kʉ ke dho ná saa na ndirigoti bblo kʉ ke dho ná ngana.
4. Anidi ngazø bí ina. Njati rie d’i ngana ni si ra ri ró, nzɨ d’i funzo nanga. Føri rɨngana adhuri ni tso:
5. Anji sala ni é bblo kʉ ná nganjadha na d’e. Anziri Yova kó ni tsotso ndiro nzɨ ni d’i ji, rie nzɨ ma nidhó mwanafunzi saa ba ni zønga ndi na bí ina inga nzɨ ma ke njínji lele ndi dho le ddi ná lo na ri ró. (Flp. 2:13) Njati rie nì nidhó mwanafunzi dhó bblo sifa ro kʉ bí ri ró, anziri Yova kó ni tstso ni li ni thí fø sifa djo.
GODHÉ ANJA
Mez. 3:27; Mdo. 20:35; 2 Ko. 12:15