FUNJI-A ATU
YOFUNJI-A 10
Dhivelela
Likundo nlukhulu: “Nanoofunechecha uwandelani milanyu yapama ya Nlungu thitho velela vingumi vi-u ira niukami-eni.”—1 At. 2:8.
Vyairile Yesu
1. Muonele VIDIYO, venango muleri Juwau 3:1, 2. Mwamala mutapanye vyofuka vyo-arelavi:
-
Chini yamwiri-idhe Nikodemu ira adhowe wali Yesu nama-iu?—Ju. 12:42, 43.
-
N’nga Yesu atonyi-edhe a-vi ira ali ofunechecha afunji-a atu vyarumeenle liye waredhana Nikodemu nama-iu?
Vinofunjedhavo iyo wa Yesu
2. Ninotonyi-edha ira ninoadiveliwana atu naafunji-anga modhivelela ira takale anamafunjedha a Yesu.
Vinairenyo vom’sazi-edha Yesu
3. Mufunjedhenga naatu valimburo venango hora yapama waaliwa. Venango anodhiveliwa ira mufunjedhe naaliwa va dambo n’nango vasumana, venango hora inangwee va dambo. N’nga anodhiveliwa ira mumafunjedhe naaliwa unolaba aliwa, vandhe viwa, venango valimburo inango? Vyakala vyoodheya chinjani vyongo vinango ira mufunjedhe na liye va hora na limburo vinodhiveliwana liye.
4. Mufunjedhenga na liye hora dhothene. Akala munofuna mukhumevo kamwimwanane funjedha na liye, wesedhani ndhila dhi:
-
N’nga munofunjedhana liye va telefonini venango va vidiyo konferensia?
-
N’nga munooda m’vepa namalaleela mwinango ira amafunjedhe na liye?
5. Mulobele ira muone vyongo mofwanelela. Mum’vepenga Yohova ira aukami-eni ira mwa-akaena pwadho vofunjedha namutu angalive ira hora dhinango kanofwanyeya vofunjedha winyu venango unorucheya i-ndi-edha basa vinofunjedha nyo. (Afl. 2:13) Venango pyoodeya ira utokaana makalelo apama. Mum’vepenga Yohova ira aukami-eni thuulela vya makalelo enao.
MUONE THITHO MALEMBA ALA
San. 3:27; May. 20:35; 2 Ak. 12:15
