YIƐ NUMAA ƔALABO
KALABO 10
Ɣata Nii Va Ya Bo
Tɛnɛgi: “Tei tɔwɔ wo wõi ɓakpai ɣɛ gé ma, gé ɣavele lɛ ŋɛni nɔ ɓɛtɛni ga gé wɔ dɔi wo wiɛ Gala na woo niinɛ vagɔi zu gɔ́ wɛ̃ɛ na va. Kɛ̀ gé ɣavele ɓɛtɛi ɣɛ ga gé ɓɔɔ yɛʋui ʋe ɓalaa wo ʋaa ma. Ɓɔvɛlaale wo wõi ɣa gwala wɔɔlɔi ɣɛ gé ma.”—1 Tɛsɛ. 2:8.
Nii Ziizɛ Kɛɛni
1. Wɛlɛ ƲILIOGI va, ɔɔ Jɔ̃ 3:1, 2 lodo. Ya na ɣɛɛna e gaa-zaɣa-kɛɛ niitiɛ ɣaa wote:
-
Zɛɓɛi ɣeeta e kɛɛni Nɛkɛdiimɔ yiɛ li Ziizɛ wɔ ga kpidii? —Wɛlɛ Jɔ̃ 12:42, 43 va.
-
Tei Ziizɛ ʋaani bu ga Nɛkɛdiimɔ li pɔ ga kpidi, na ɣɛni dɛɛzu ɣɛ le ga e ɣɛni wõini e numaa ɣalabo?
Zɛɓɛi Da Maa Woli Ziizɛ Na Po-Kɔ̃ɔ-Mai Zu?
2. Da dɛ ga wõila ɣa de ya numaa ʋaa ma ani da ɣaa ɓaana diɛ te ɣalabo ga te ɣɛ ga Ziizɛ wulu veaitiɛ te ta.
Vile Ziizɛ Wɔwɔ Wogi Zu
3. Gala Kɔlɔi lɛ ga manui siɛgi ta ŋadai vɛ solowogɛi faa ma. Tanisu towa folo gila siɣi dɔwɔi zu ɔɔ siɛgi ta foloi wuuzu. E ɣisu kuuzu ɣa nɛɛ ga yiɛ kalabo na tii ɣɛɛzu vɛ, na pɛlɛi la, ɔɔ vɛ wa zei na ga numaa tiɛ wo vɛtɛ? Ani towa zolowo, yà ʋaitiɛ ɣaa wuloba ga pagɔ ga e ɓɔ ba.
4. Yiɛ kalabo siɛ nɛpɛ ma. Ani ya liizu siɛ ma, na mɛlɛ kɛ sa ɔ na kalabo fai ziɣi ma. Kɛ tɔ mũ, ɣi-gaa-ziɛ pelei niitiɛ ma:
5. Jehova ʋile ga ki-gaa-ziɛ vagɔ ɣɛ e ya. Jehova ʋeli ga e ɣata manui ɣalabo fai va, ani ɓalaa na ɓaavɛ ga e manui maa zɔlɔwo ga e kalabo ɔɔ ga e ziɛ ga niitiɛ e dɛɛzu la. (Fel. 2:13) Jehova ʋeli ga e ɓɔ e va e ɣaazu ɓado tuɓo-vele vapagitiɛ va e nui nii ya e kalabosu.
