KWETHIA ANTŨ ARITWA
KĨTHOOMO KĨA 10
Gũciũmia Buru Gũtetheeria Aritwa
Ũritani: “Nitwagwiragua ni kubwa nkuma ya Murungu, na ti nkuma iu yonka, indi nkuruki kinya mioyo yetu yongwa, ni untu bwa uria bwaete antu baria beendi mono nitwi.”—1 Ath. 2:8.
Ũrĩa Jesũ Aathithĩrie
1. Tega VIDIO ĩjĩ, kana ũthoome Johana 3:1, 2. Rĩu ũcookie biũria bibi bithingatĩte:
-
Nĩmbi yũũmba kwĩthĩrwa nĩyo yatũmaga Nikodemu eeta kwona Jesũ ũtukũ?—Tega Johana 12:42, 43.
-
Gwĩtĩkĩĩria gũcemania na Nikodemu ũtukũ, kwonanĩrie atĩa Jesũ nairitĩrĩte buru ngũgĩne ya kwethia antũ aritwa?
Nĩmbi Tũkwiritana Kuumania na Jesũ?
2. Tontũ nĩ twendete antũ, nĩ tũciũmagia buru kũbatethia nĩkenda baa aritwa ba Bibiria.
Igerekanie na Jesũ
3. Iritane na mũritwa waaku wa Bibiria ĩgiita na antũ arĩa gũkũmwagĩra. Mũritwa no auge arĩenda kwiritana ntukũ kana ĩthaa rĩnna. Rĩ, no aigue angˈanĩrĩ rĩrĩa bũkwiritanĩra arĩa aritaga ngũgĩ, arĩ nja kwawe, kana arĩ gũntũ kwa mwingĩ? Kwombĩka, garũra ĩgiita rĩaku rĩĩtanĩrie na ĩgiita rĩawe.
4. Iritaneni bũtĩgũtĩĩra. Kinya kethĩra ũtĩthĩrwa ũrĩku, ũkera mũritwa bũtiiritana. Ciũrie ũũ:
5. Romba wĩthĩrwe na mwerekera jũmwega. Romba Jehova agũteethie gwĩta na mbere gũtetheeria mũritwa, kinya kethĩra atĩkwoneka rĩonthe kana atĩkũthingatĩĩra ũtaaro bũnna bwa Bibiria. (Afl. 2:13) No kũmbĩke mũritwa waaku ethĩrwe na nkuma inyingĩ injega; romba Jehova agũteethie kwona nkuma iu.
