KUVABESERA KUTI VAVE VAJIJI
CIJIJO 10
Kukwanirisa Zvamakagondesa
Ndhungamiriro: “Itusu takadakara maningi kumupa zvinopinda masoko akanaka a Mwari. Asi takamupavo upenyu hwedu kuti timubese ngokuti tinomuda maningi.” —1 Vat. 2:8.
Jesu Wakaitenyi?
1. Vonanyi VHIDHIYO, kana verenganyi Johani 3:1, 2. Perapo daviranyi muvhunjo jinotevera:
-
Ngenyi Nikodhemo wakavona zviri nane kwenda kovonana na Jesu co usiku?—Vonanyi Joh. 12:42, 43.
-
Ngo kusongana na Nikodhemo co usiku, Jesu wakakhombijisa kudini kuti wainga wakanasiririka kuti amubesere kuti ave mujiji?
Tinojijenyi ngo Muezaniso wa Jesu?
2. Tinokhombija kuti tinoda vandhu kudari tikakwanirisa zvatagondesa kuti tivabesere pa kuva vajiji.
Tevejeranyi Jesu
3. Jijanyi no mujiji wenyu wo Bhaibheri pa ndau no nguva yakamunakira. Kangaije iyena angada kujija pa nguva kana njiku yaanoda pa sumana. Kunanga kuti iyena anojizwa akasujunuka kujija naari kwaanobatira basa, kumuzi kwake kana ku ndau imwenivo hayo? Kudari zvecikwanisika, cinjanyi urongwa hwenyu kuti mukwanise kujija naye.
4. Jijanyi mukuvo wese. Kudari munonga mucipo, mucadoimisa jijo. Vonanyi basi muvhunjo jinoteverari:
5. Itanyi mukumbiro kuti muve no mavonero aushoni. Kumbiranyi Jehovha kuti amubese kukwanirisa zvamakagondesa ku mujiji wenyu, pikija iyena akavangisira kuti ajije mukuvo wese kana ashandise ndhungamiriro jo Bhaibheri. (Vaf. 2:13) Zvingaita kuti mujiji wenyu ano mugariro jakawanda maningi, kumbiranyi Jehovha kuti amubesere kubatikana pa mugariro jondhojo.
