XTEMACHTI
TLAMACHTIJLI 10
Xnekto san kemanon titemachtis
Tlen Biblia kijtoua: “Tiknekiskiaj temechmakaskiaj xsan on kuajli tlajtojli, yej no hasta tonemilis pampa tejuamej sanoyej temechtlajsojtlaj” (1 Tes. 2:8).
Tlen okichiuj Jesús
1. Xkita VIDEO noso xkamapoua Juan 3:1, 2. Tla ijkon yotikchiuj, aman xkinnankili yejuin:
-
¿Tleka Nicodemo okitato Jesús ijkuak yetlayoua katka? (Xkita Juan 12:42, 43).
-
Pampa Jesús okinek tlajtos iuan Nicodemo ika tlayoua, ¿tleka tikijtouaj ika pampa ijkon okichiuj okiteititi ika yemelak kinektoya temachtis?
¿Tlenon tiuelij itech ken Jesús okichiuj?
2. Melak tikintlasojtlaj tlaltikpakchanejkej, ika yejon, tiknekij tikinpaleuiskej manochiuakan iteixpantijkauan Jehová.
Xchiua ken Jesús
3. Xmachti monomachtijkauj ijkuak yejua mitsijlis niman kampa yejua kijtos. ¿Yomitsijli tlen tonajli noso tlen hora kineki nomachtis? ¿Kanon más kuelitaskia nomachtis: kampa tekiti, ichan noso oksekan? Xmokojtili tikmachtis monomachtijkauj ijkuak yejua uelis nomachtis.
4. Xmomachtikan nochi semanas. Tla kemantika tejua xuelis tikonmachtis, uelis tikchiuas yejuin:
5. Xchiua teoyotl para uelis tikitas tlen kuajli itech monomachtijkauj. Tla monomachtijkauj san kemantika nomachtia noso xkichiua tlen ueltiuj, xtlajtlanili Jehová mamitspaleui nochipa xnekto tikmachtis (Filip. 2:13). Xtlajtlanili Jehová mamitspaleui xkita ikualneskayouan monomachtijkauj. ¡Tikmatstokej ika miyek kinpiya!
