KUPANGA OPHUNZILA
PHUNZILO 10
Mukoyavya Ŵanthu Kuti Ankhale Ophunzila
Mfundo: “Tenze okonzeka kukupasani uthenga uweme wa Mulungu. Ndipo osati uthenga weka yai, koma na miyoyo yasu yeneyene cifukwa tekukondani.”—1 Ates. 2:8.
Zecicita Yesu
1. Onelelani VIDYO, olo ŵelengani Yohane 3:1, 2. Pavuli pake, yankhani makonsho aŵa:
-
Ndaŵa yanji Nikodemo eluta kuli Yesu usiku?—Onani Yohane 12:42, 43.
-
Mwa kukumana na Nikodemo usiku, kansi Yesu eonesha tyani kuti enze wokonzeka kupanga ophunzila?
Kansi Tingaphunzilenji Kufumila Kuli Yesu?
2. Tuonesha kuti tukonda ŵanthu mwa kunkhala okonzeka kuŵayavya kuti ankhale ophunzila.
Tolelani Cisanzo ca Yesu
3. Mukophunzila pa nthawi na malo yaangaone wophunzila Baibo wanu kuti ni yoyenela. Yove angasankhe siku na nthawi mu wiki. Kansi angankhale womasuka kuphunzilila ku malo kwakuseŵenzela, ku ng’anda olo ku malo ayakine? Ngati n’zokwanishika, mukocinja ndandanda yanu kuti mukophunzila pa nthawi na malo yaangaone yove kuti ni yabwino.
4. Mukophunzila nthawi zonse. Ngati mucokapo, osaleka kuphunzila naye. M’malo mwake, ganizilani izi:
5. Mukopemphela kuti munkhale na maganizo oyenela. Mukosenga Yehova kuti akuyavyeni kuti musafooke ngati muphunzila lini masiku onse na wophunzila Baibo wanu, olo ngati ocelwa kuseŵenzesha zakuphunzila. (Afil. 2:13) Mosakaikila, wophunzila Baibo wanu ali na minkhalidwe inyinji iweme. Tetyo, mukosenga Yehova kuti akuyavyeni kuika maganizo ŵanu pa minkhalidwe iyi.
