UKUPELA ABAFUNDIWA
IKIMANYILO 10
Mubikengepo Indumbula Ukuti Mubatule Abandu Ukuya Bafundiwa
Ilemba: ‘Po apa syatukyelile ukulilanila nanumwe, komma ghene amasyu amanunu gha Kyala, loli bope na bu bumi bwitu, papo mwalipelile ukuya baghaniwa bitu.’—1 Tes. 2:8.
Isi Yesu Abombile
1. Ketelela IVIDIYO, pamo belenga Yohani 3:1, 2. Ukufuma apo mwinong’onelepo amalalusyo aghakukongapo agha:
-
Ngimba mukwinong’ona ukuti nongwa yafiki Nikodemu alisile kwa Yesu pakilo?—Keta Yohani 12:42, 43.
-
Bo muno Yesu abombile ukwaghana na Nikodemu pakilo, ngimba anangisye bulebule ukuti abikilepo indumbula ukupela abafundiwa?
Ngimba Tukumanyila Isyafiki Ukufuma kwa Yesu?
2. Tukunangisya ukuti tubaghanile abandu linga tukubikapo indumbula mwakubatula ukuya bafundiwa.
Tunkongeghe Yesu
3. Mumanyileghe na bandu Ibaibolo pakabalilo akanunu kangi na malo amanunu. Abaghile ukusala isiku ilyakuti mumanyileghe kangi nakabalilo. Ngimba abaghile ukulonda ukumanyila kunyumba yake, kuno ikubomba imbombo pamo amalo aghangi? Linga sibaghile ukubombiwa mughelegheleghe ukuchenja imbatiko yinu ukuti yikolelane na malo kangi akabalilo aka ikulonda.
4. Mumanyileghe akabalilo kosa. Linga mukuya pakusokapo mungalekagha ukumanyila mmalo mwake mwinong’onelepo:
5. Mwiputeghe kwa Yehova ukuti abatule. Munsumeghe Yehova ukuti abatule ukukindilila ukumanyila nu mundu nalinga kukafu ukumanyila nawe akabalilo kosa kangi linga atikubombela isi ikumanyila. (Filip. 2:13) Mwinong’oneleghe fiyo utuyilo utununu utu ummanyili winu ali nato.
