ZUE UE
10 NUENƆ
Su Loo Nɛ
Daakuu Baibol: “Nia i kɔ bɔɔlo nyɔɔnɛ i ɛrɛ epoo, naale aba bu le yereue Bari, mɛ lo ilii beenyiɛ, nyɔnɛbee bui elua pya i wereloo ereloo.”—1 Tɛs 2:8.
Nu Jizɔs Bee Doo
1. Si ee lo VIDIO, ale o buū Jɔn 3:1, 2. Lɛɛ o agara pya ebip a nyɔɔnɛ ama:
-
O kɛɛrɛ kɔ ena anua Nikɔdimɔs bee si loo Jizɔs uunɛ a?—Buū Jɔn 12:42, 43.
-
Sɔ̄ Jizɔs nyɔɔnɛ Nikɔdimɔs kɔnia ue uunɛ, bu mɛ sīdee na a tɔgɛ kɔ a sue loo nɛ lo edoo kɔ pya nɛɛ a nyɔɔnɛ ye dumɛ a?
Ena I Nɔ Aāloo Jizɔs A?
2. I tɔgɛ kɔ i wereeloo pya nɛɛ tɛ̄maloo esu loo nɛ lo eyerebah wa nɛ kɔ ba a nyɔɔnɛ dumɛ Jizɔs.
Nɔ Jizɔs
3. Nyɔɔnɛ nɛɛ o wee nɔɛ̄ Baibol nɔnu taɛ sɔ̄ le kɛ̄ elee ye loo. A dap ɛrɛ dee enia ye enɔnu bu ziī ziī kaɛ ale kuma sɔ̄ enɔā nu bu ziī biradee. Ekɔ loo ye esukɛ̄ lo a nɔnu bie ye kɛ̄tam, bie ye be, ale bie kɛ̄ pya nɛɛ mma ni? Lo a waɛ, kwabaloo o kɛ̄tɔɔ̄ lokwa o ye dap nyɔɔnɛ nɔnu bie kɛ̄ le sɔ̄ elee ye loo.
4. Nɔaā nu eree sɔ̄ loo. Lo oo le ele bu pio kere sɔ̄, o aa lɛɛ lo enɔānu kɛ̄. taāwo, naa kɛɛrɛ:
5. Yere kara bara le elap dogo. Bara Jɛhova kɔ a yerebah a nɛ kɔ o dap kpɛ̄naloo eyerebah nɛ nɛɛ o gaa nɔɛ̄ nu, kere a naa aadee ye waɛbah enɔ nu eree sɔ̄ loo ale a naa waɛ ye bah esu pya nu a nɔ aābu Kpa Kaɛ yere bu dogo. (Fil 2:13) Dap lu kɔ nɛɛ o gaa nyɔɔnɛ nɔnu ɛrɛ pio lele elap dogo; yere kara bara yerebah lo edap sere ekɛɛrɛ nyɔɔ pya ye lele elap dogo ama.
