معلومات چھیتی وکھاؤ

مضموناں دی فہرست وکھاؤ

شاگرد بنانا

سبق نمبر 10

اپنا عزم مضبوط رکھو

اپنا عزم مضبوط رکھو

اصول:‏ اَسی تواڈے نال بوہت پیار کرنے آں۔ ایس لئی اَسی توانوں نہ صرف خدا دی خوش‌خبری سُنان لئی تیار ساں سگوں اپنیاں زندگیاں چ شامل کرن لئی وی کیونکہ تُسی سانوں بوہت پیارے ہو گئے سو۔—‏1-‏تھسلُنیکیوں 2:‏8‏۔‏

یسوع دی مثال

1.‏ ویڈیو ویکھو یاں یوحنا 3:‏1، 2 نُوں پڑھو۔‏ فیر ایہناں سوالاں تے غور کرو:‏

  1.   ‏(‏الف)‏ نیکُدیمس نُوں رات نُوں یسوع کول آنا بہتر کیوں لگیا ہوئے گا؟—‏یوحنا 12:‏42، 43 نُوں ویکھو۔‏

  2.  ‏(‏ب)‏ نیکُدیمس نُوں رات دے ویلے مل کے یسوع نے ایہہ کیویں ثابت کیتا کہ شاگرد بنان دا اوہدا عزم بڑا مضبوط سی؟‏

اَسی یسوع دی مثال توں کیہہ سکھنے آں؟‏

2.‏ اَسی لوکاں نُوں پیار کرنے آں ایس لئی اوہناں نُوں شاگرد بنان دا ساڈا عزم مضبوط اے۔‏

یسوع دی مثال تے عمل کرو

3.‏ لوکاں نُوں اوس وقت تے جگہ تے بائبل کورس کراؤ جیہڑا اوہناں نُوں ٹھیک لگدا اے۔‏ ہوسکدا اے کہ کوئی بندہ ہفتے دے کسے خاص دن یاں وقت تے بائبل کورس کرنا چاہوے۔ سوچو کہ اوہدے لئی کتھے بائبل کورس کرنا زیادہ اسان ہوئے گا؛ اپنے کم دی تھاں تے، گھر چ یاں کسے ہور جگہ تے۔ جے ہو سکے تے بائبل کورس کران لئی اپنے شیڈول نُوں اوہدے وقت تے حالات مطابق بدلن لئی تیار رہوو۔‏

4.‏ باقاعدگی نال بائبل کورس کراؤ۔‏ جے تُسی کسے وجہ توں بائبل کورس نئیں کرا سکو گے تے کوشش کرو کہ ایہدے چ ناغہ نہ ہوئے۔ ایہدی بجائے سوچو کہ .‏ .‏ .‏

  1.   ‏(‏الف)‏ کیہہ تُسی اوس ہفتے چ کسے ہور دن بائبل کورس کرا سکدے او؟‏

  2.  ‏(‏ب)‏ کیہہ تُسی فون یاں ویڈیو کال تے بائبل کورس کرا سکدے او؟‏

  3.  ‏(‏ج)‏ کیہہ تُسی کسے ہور بھین بھرا نُوں بائبل کورس کران لئی کہہ سکدے او؟‏

5.‏ صحی سوچ رکھن لئی دُعا کرو۔‏ جے کسے بندے نُوں باقاعدگی نال بائبل کورس کرنا یاں اوہناں گلاں تے عمل کرنا مشکل لگ رہیا اے جیہڑیاں اوہ سکھ رہیا اے تے یہوواہ کولوں مدد منگو تاکہ تُسی بائبل کورس کران چ ہمت نہ ہارو۔ (‏فِلپّیوں 2:‏13‏)‏ بائبل کورس کرن والے بندے چ ضرور کئی خوبیاں وی ہون گیاں۔ یہوواہ کولوں دُعا کرو تاکہ تُسی اپنا دھیان اوہدیاں خوبیاں تے رکھ سکو۔‏

ایہناں ایتاں نُوں وی ویکھو:‏

امثال 3:‏27؛‏ اعمال 20:‏35؛‏ 2-‏کُرنتھیوں 12:‏15