FASI DISIPULUS
LISON 10
Sta disididu pa juda utrus sedu disipulus
Prinsipiu di Biblia: “No tenba garandi vontadi, i ka son pa rapati Bon Noba ku bos, ma no propi vida, suma ku no ama bos ciu.” — 1 Tes 2:8.
Ke ku Jesus fasi
1. Jubi VIDEO, o lei Jon 3:1, 2. Dipus pensa diritu nes purguntas:
-
Pabia ku Nikodemus visita Jesus di noti? — Jubi Jon 12:42, 43.
-
Kuma ku Jesus mostra di kuma i staba disididu pa fasi disipulus, manera ki kontra ku Nikodemus di noti?
Ke ku no aprindi di Jesus?
2. No ta mostra di kuma no ama jintis, ora ku no sta disididu pa juda elis sedu disipulus.
Kopia isemplu di Jesus
3. Studa Biblia na ora ku lugar ki minjor pa bu studanti. Talves i misti studa na un dia o na un ora izatu. Sera ki i na sta mas avontadi pa studa na si kau di tarbaju, na si kasa o na un kau publiku? Si pusivel, muda bu programa pa bo pudi studa na ora ku lugar ki minjor pa rel.
4. Bo studa kada semana. Si bu ka na sta, ka bo fika sin studa. En ves di kila, jubi es pusibilidadis:
-
Sera ki bu pudi diriẑi studu na utru dia di ki semana?
-
Sera ki bu pudi diriẑi studu pa telefoni o pa videokonferensia?
-
Sera ki bu pudi pidi utru publikadur pa i diriẑi studu?
5. Ora Jeova pa i judau sedu pusitivu. Pidi Jeova pa i judau pa ka disisti di bu studanti, mesmu si ka ta studa kada semana o i ta tarda pa aplika ke ki sta na aprindi. (Fil 2:13) Talves bu studanti tene manga di bon maneras di sedu. Ora Jeova pa i judau konsentra nes maneras di sedu.
