RUNAUNARA YACHACHI
LECCIÓN 10
Jesusta catij anuchu shungumanda yanapai
Bibliamanda iyai: “Cangunama intriganara munanchimaca mana Diospa evangelio ali shimillara, astaumbas ñucanchi quiquin causairas. Ashcara cangunara llaquishcanchi” (1 Tes. 2:8).
Jesús rurashca
1. VIDEORA ricui o Juan 3:1, 2 leai. Huasha catij tapuigunamanda riparasha iyari:
-
¿Imarasha Nicodemo Jesusta tuta ricungaj rina munaca? (Juan 12:42, 43 ricui).
-
¿Imasnara Jesús runaunara yachachingaj munashcara ricuchica tuta Nicodemohua tandarishcai?
¿Imara Jesusmanda yachanchi?
2. Jesusta catijcuna tucungaj shungumanda munaihua yanapashcai runaunara llaquishcara ricuchinchi.
Jesús rashcasna rurai
3. Bibliamanda yachauj ushashca hura ushashca lugarbi yachachi. Semanaibi pai ushashca punzha, pai ushashca huras Bibliamanda yachangaj munangachari. ¿Bibliamanda estudiangaj mas ali sintiringachu paihua tarbanai, paihua huasibi o runauna tiashca lugarbi? Usharijpi can ruranaunara shuj timpui rurai, pai munashca huras, munashca lugarbi Bibliamanda yachachingaj.
4. Caran semana yachachisha cati. Can shuj partima ringarausha Bibliamanda curso cunara ama saquichu. Saquina randi caita iyari:
-
¿Bibliamanda curso cunara semanaibi shuj punzha yachachinara ushanguichari?
-
¿Bibliamanda curso cunara telefonohua cayasha o video conferencia rurasha yachachina ushanguichari?
-
¿Shuj publicadorda Bibliamanda cursora cuchu mañana ushanguichari?
5. Shungumanda munaihua yachachingaj mañai. Caran semana estudianara pai mana ushajpi, Bibliamanda yachachishcara mana dsaslla pactachiujpis, Jehová Diosta mañai shungumanda munaihua paita yanapasha catingaj (Filip. 2:13). Yachauj ashca ali ruraigunara charingachari. Caita ricusha valichingahua Jehová Diosta yanapahuai nisha mañai.
