Jesús imata rurashcata ricupashunchi

 Jesuspa ejemplomandaca ¿imatata yachajupanchi?

2. Gentecunata juyaimandami Bibliamanda yachachishpa Jehovata sirvijcuna tucuchun ayudapanchi.

Jesuspa ejemplota catipai

3. Gentecuna munashca pushtupi, horaspi Bibliamanda yachachipai. ¿Ñuca estudianteca ima horaspita, ima punllata Bibliamanda yachajungapaj munanga? ¿Paipaca huasipi o trabajopi yachajunachu ashtahuan ali can? nishpami tapurina capangui. Ushashpaca estudiantecuna Bibliamanda yachajungapaj ushashca horariomanmi adaptarina capangui.

4. Estudiantecuna Bibliamanda cada semana yachajuchun esforzaripai. Chai semana estudiota na cui pactashpaca, caitami rurai ushapangui:

1.    Chai semanapillata shuj punlla yachachipai.

2.   Telefonopi cayashpa o videollamadata rurashpami estudiota cui ushapangui.

3.   Shuj publicadortami estudiota cuchun mañaita ushapangui.

5. Jehová Diospa ayudata mañapangui. Bibliamanda yachachishpa catingapami Jehovata mañana capangui. Huaquinbica estudiantecuna paicunapa causaipi cambiocunata na rurajpi, cada semana na yachajujpimi Bibliamanda yachachishpa catinaca dificil ricurita ushan (Filip. 2:13). Ñucanchi estudiantecunaca seguromi ashtaca ali cualidacunata charin. Chai cualidadcunata ricungapami Jehovapa ayudata mañana capangui.