ĽIDŽAS O ŠTUDIJUM
LEKCIJA 10
So pes ča del, ker le učeňiken
O tekstos, savo amen ľidžal: „Vaš oda, hoj tumen avka igen kamahas, na kamľam tumenge ča te vakerel e lačhi sprava le Devlestar. Aľe te kampela, diňamas vaš tumenge the amaro dživipen.“ (1. Tes. 2:8)
O Ježiš oda kerelas avka
1) Dikh tuke o VIDEJO abo pregen Jan 3:1, 2. Paľis tuke rozkide kala otazki:
-
a) Soske o Nikodem geľa pal o Ježiš počoral raťi? (Dikh Jan 12:42, 43)
-
b) O Ježiš vakerelas le Nikodemoha, the te sas nasig raťi. Sar oleha o Ježiš sikaďa, hoj kamel te kerel le učeňiken?
So sikhľuvas le Ježišostar?
2) Oda, hoj kamas le manušen, sikavas avka, hoj lendar keras le učeňiken.
Ker avka sar o Ježiš
3) Študin leha odoj a tiš akor, te hin oda leske nekfeder. Savi ora abo ďives hin leske nekfeder? Ela leske nekfeder, te leha študineha andre buťi, abo khere, abo varekaj avrether? Paľis av ajso lačho a študin leha akor, te pes leske del.
4) O študijum mi džal furt. Te našťi džas pro študijum, na mukhen les avri. Rozmišľin:
-
a) Šaj prethovav o študijum pre aver ďives mek oda isto kurko?
-
b) Šaj študinas prekal o internetos abo šaj peske vičinas a kavka študinas?
-
c) Šaj manges varekas avres, kaj te ľidžal ada kurko o študijum?
5) Modľin tut, mi dikhes pre leste lačhe jakhenca. Ma vzde oda leha, te na kerel sig o pokroki abo te varekana mukhel avri o študijum. Mang le Jehovas, mi pomožinel tuke andre oda. (Fil. 2:13) Tiš mang le Jehovas, kaj te dikhes koda lačho, so hin andre leste.
MEK TUKE DIKH
Prisl. 3:27; Sk. 20:35; 2. Kor. 12:15
