ĆER UČENIKONEN
LEKCIJA 10
Ov posvetimo
Načelo: Hijam le spremna te da tumen na samo i šukar vest ando Devel nego hem amaro životi, odolese so zamangljam tumen (1. Sol. 2:8)
So o Isus ćerđa?
1. Dikh o VIDEO ja čitin Jovan 3:1, 2. Palo odova, razmislin ando akala pućiba:
-
a. So mislineja, sose o Nikodim alo ko Isus raćate? (Dikh Jovan 12:42, 43.)
-
b. Sar o Isus odoleja so vaćerđa e Nikodimeja raćate mothovđa so hine posvetimo ko odova te ćerel učenikonen?
So sikljovaja ando Isus?
2. Amen mothovaja so mangaja e manušen ađahar so hijam posvetime ko odova te pomožina len te oven e Isusese učenikija.
Oponašin e Isuse
3. Proučin e osobaja ko vreme hem ko than kova olaće odgovorini. Olaće šaj te odgovorini disavo posebno dive ili vreme. Da li bi ovela laće pošukar te proučini ki buti, ćhere ili ko disavo aver than? Ako šaj, menin to raspored te šaj te proučine e osobaja ked olaće odgovorini.
4. Proučin redovno e osobaja. Ako na ka ove ćhere, ma otkažin o kurs. Umesto odova, razmislin:
5. Molin tut te ovel tut ispravno stav. Molin tut e Jehovase te pomožini tut te na vazde te vasta andi osoba kasa proučineja, čak hem ako oj na proučini redovno ili na primenini sigate odova so sikljola (Fil. 2:13). Verovatno odija osoba isi la but šukar osobine, rode ando Jehova te pomožini tut te zapazine len.
