СЫТЯР ЛЭ МАНУШЭН
УРОКО 10
Тер вся, кай и мануша тэ ашэн ученикоря
Библейско принцыпо: «Амэ закамлям най кати тэ росԥэнас тумэнди лэ Дэвлэстири лащи новость, но и тэ отдас пала тумэндэ пэстири жызня, важ кода кай амэ глаба пала тумэндэ и тумэ ашэлэ фартэ куч амарэ одести» (1 Фис. 2:8).
Со терэлас о Иисусо
1. Дик ВИДЕО или адиносар Иоано 3:1, 2. Тоди погиндосар пала кацавэ вопросоря:
-
а) Сар гиндос, васо о Никадимо авеля каринг о Иисусо и рят? (Дик Иоано 12:42, 43.)
-
б) Сар кода, кай о Иисусо диқляпэ лэ Никадимоса и рят, сыкавэл, кай важ лэстэ фартэ важно тэ поможый лэ манушэнди тэ ашэн ученикоря?
Сости амэ сытювас кай о Иисусо
2. Кала амэ терас вся, кай тэ поможысарас лэ манушэнди тэ ашэн лэ Христостирэ ученикоря, амэ сыкавас, кай любисарас лэ манушэн.
Тер кадя, сар о Иисусо
3. Проандяр лэ манушэса изучения, кала и кай лэсти авэла удобно. Можэт, лэсти удобно тэ изучает и Библия андэ варисаво ек дес или время? Кай лэсти авэла удобно тэ изучает: пэ бути, цэрэ или котэ, кай исин мануша? Важ када, если со, ав ӷотово тэ парувэс пэско ӷрафико.
4. На промэк и изучения. Если дэсави время тут на авэла, на отстов изучения. Погиндосар:
-
а) Можэш ту тэ проандярэс и изучения андэ авэр время пэ кодэва жэ курко?
-
б) Можэш ту тэ проандярэс и изучения па телефоно или па видеосвязь?
-
в) Можэш ту тэ мангэс, кай варико авэр тэ проандярэл и изучения?
5. Мангпэ пала лашо настроё. Бывает кадя, кай и изучения прожал най всегда или о мануш на грабий тэ жувэл кадя, сар пистромэ андэ Библия. Тоди манг лэ Иеговас тэ поможый тути тэ на гиндос, кай анда мануш нисо на вижала (Флп. 2:13). Возможно, кай о мануш исин бут лашэ качестворя, тоди манг, кай о Иегова тэ поможый тути май бут сама тэ шос пэр лэндэ.
ДИК КАДЯЖЭ
Прит. 3:27; Дила 20:35; 2 Кр. 12:15