KU YENTXA VADONDZRISIWA
DONDZRO 10
Ku Tiyimisela
Nsinya wa nawu: “A hi nga tiyimiselanga ku mi zrezrela madzrungula lamanene ya Xikwembu Nkulukumba ntsena, kambe ni ku nyikela wutomi byezru akuva hi mi pfuna.”—1 Tes. 2:8.
Leswi Yesu A Swi Yentxiki
1. Hlalela VHIDIYU, kumbe u dondzra Yohane 3:1, 2, u gama u hlamula swivutiso leswi landzrelaka:
-
U yanakanya leswaku i yini lexi yentxiki Nikodema a pfuxela Yesu a wusikwini?—Vona Yohane 12:42, 43.
-
Yesu a pfumelile ku yamukela Nikodema ni wusiku. Xana leswo swi kombisa hi ndlela yini leswaku Yesu a a tiyimisele ku yentxa vadondzrisiwa a wuton’wini byake?
Hi Dondzra Yini Ka Xikombiso Xa Yesu?
2. Hi kombisa leswaku ha va zrandzra vhanu loko hi tiyimisela ku va pfuna leswaku va va vadondzrisiwa.
Yetisela Yesu
3. Fambisa xidondzro hi nkama ni mbangu lowu nga wunene ka lweyi u dondzraka na yene. Swi nga ha yentxeka a hlawula ku dondzra hi siku ni nkama wa kukazri. Xana hi kwini lani a nga titwaka na a ntsrhunxekile ku dondzra kone—a nga va ntizrweni, a kaya kumbe a mbangwini wa mani na mani? Loko swi koteka txintxa xiyimiso xaku akuva mi kota ku dondzra hi nkama ni ka mbangu lowu wu nga wunene kwake.
4. U nga lovhi. Loko u vona leswaku u nga ti va kone hi siku ledzri mi bekisiki ku dondzra ha dzrone, tivutise:
-
Xana ni nga mu fambisela xidondzro siku dzrin’wana hi vhiki dzroledzro?
-
Xana ni nga mu fambisela xidondzro hi telefone kumbe hi vídeo-conferência?
-
Xana ni nge kombeli muzrezri mun’wana kuva a ya mu fambisela xidondzro?
5. Khongota u kombela ku va ni langutelo ledzrinene. Kombela Yehovha a ku pfuna leswaku u nga godoli ku mu fambisela xidondzro nambiloko a nga dondzri minkama hinkwayu kumbe a hlwela ku tizrisa leswi a swi dondzraka. (Filp. 2:13) Swi nga yentxeka lweyi u dondzraka na yene a ni matsrhamela manyingi lamanene. Khongota kuva u beka miyanakanyu yaku ka matsrhamela lawo.
TLHELA U VONA
Amapr. 3:27; Mint. 20:35; 2 Kor. 12:15
