MEKI DISIPEL
LES 10
Du ala muiti fu yepi sma tron disipel
Bijbel e taki: „Wi no ben prisiri fu fruteri unu a bun nyunsu fu Gado wawan, ma wi ben de klariklari tu fu lasi wi libi gi unu, bika wi ben kon lobi unu srefisrefi.”—1 Tes. 2:8.
San Yesus du
1. Luku a FELEM, noso leisi Yohanes 3:1, 2. Baka dati luku den aksi disi:
-
Fu san ede yu denki Nikodeimus go na Yesus na neti? —Luku Yohanes 12:42, 43.
-
Fa Yesus sori taki a ben de klarklari fu yepi Nikodeimus tron wan disipel?
San wi kan leri fu Yesus?
2. Fu di wi lobi sma, meki wi wani du ala san wi man fu yepi den tron disipel.
Du leki Yesus
3. Studeri nanga yu Bijbelstudie na wan yuru èn na wan presi di bun gi en. Kande a wani studeri tapu wan spesrutu dei fu a wiki noso na wan spesrutu yuru fu a dei. A ben o firi moro bun efu a studeri na en wrokopresi, na en oso, noso na wan presi pe furu sma e pasa? Efu a kan, kenki yu schema so taki yu kan studeri na wan yuru èn na wan presi di bun gi en.
4. Studeri ibri wiki. Efu yu no o de, dan sorgu taki a studie kan go doro. Prakseri disi:
5. Begi Gado fu abi a yoisti denki. Begi Yehovah fu yepi yu fu no gi abra tumsi gaw te yu e si taki a sma no e studeri ibri wiki noso te a e teki pkinso langa fu du san a e leri (Fil. 2:13). Kande a studie fu yu abi furu moi fasi. Begi Yehovah fu meki yu poti prakseri na den moi fasi dati.