KWENTA BAFUNDZI
SIFUNDVO 10
Timisele
Simiso: “Satimisela kuninika tindzaba letimnandzi taNkulunkulu, hhayi tona kuphela, kepha nekuphila kwetfu, ngobe natsandzeka kitsi.”—1 Thes. 2:8.
Lokwentiwa NguJesu
1. Bukela le-VIDEO, nobe ufundze Johane 3:1, 2, bese uphendvula lemibuto lelandzelako:
-
Ucabanga kutsi ngusiphi sizatfu lesenta Nikhodemu wavakashela Jesu ebusuku?—Buka Johane 12:42, 43.
-
Ngekutsi ahlangane naNikhodemu ebusuku, Jesu wakhombisa njani kutsi utimisele kwenta bafundzi?
Yini Lesiyifundzako KuJesu?
2. Sisuke sikhombisa kutsi siyabatsandza bantfu nangabe sitimisela kubasita kutsi babe bafundzi.
Lingisa Jesu
3. Fundzani ngesikhatsi kanye nasendzaweni lelungela umfundzi. Umfundzi angahle atsandze kufundza ngelilanga lelitsite evikini nobe ngesikhatsi lesitsite. Angativa akhululekile yini kutsi ningafundza lapho asebentela khona, ekhaya lakhe nobe endzaweni yawonkhe wonkhe? Nakungenteka, shintja luhlelo lwakho kuze luvumelane netidzingo temfundzi.
4. Fundzani njalo. Nangabe utobe ungekho, ungasihlehlisi lesifundvo. Kunaloko cabanga nganaku:
-
Ungasisebentisa yini lesinye sikhatsi ngalelo viki kuze ufundze nalomuntfu?
-
Ningafundza yini nisebentisa lucingo nobe i-videoconferencing?
-
Ungamcela yini lomunye ummemeteli kutsi akuchubele lesifundvo?
5. Thantaza kuze ube nesimo sengcondvo lesikahle. Cela Jehova akusite kutsi uchubeke udadisha nalomfundzi, ngisho nobe akutfola kumatima kuhlale adadisha nobe atsatsa sikhatsi kusebentisa loko lakufundzako. (Fil. 2:13) Kungenteka umuntfu lofundza naye liBhayibheli unebuntfu lobunyenti lobuhle; ngako thantaza kuJehova ucele akusite kuze ukhone kubunaka lobuntfu.
