BINERI JITI NAJÁTIMA JESÚS
BINELÍWAMI 10
Natéami iné bineria echi pagótami
Japi aní echi Biblia: “Ne wabé nakili ʼyemi mi nawésanala echi Galabé Riosi Raʼíchala. Ayénachóta [...] ʼyemi mi kuʼwíraga pirélabo, mapujítita ʼyemi mi echirigá ne wabé simírami galeli” (1 Tes. 2:8).
Japi isili Jesús
1. Iné echi VIDEO o leeri Juan 3:1, 2, alí biné jepuná preguntas:
-
¿Chúsiá echi Nicodemo rokojó simírili inesia echi Jesús? (Iné Juan 12:42, 43).
-
¿Chúriká newa isili Jesús japi we natéami niraa ineli bineria echi pagótami?
¿Piri ta biné japi isili Jesús?
2. Tamujé ko we galé echi pagótami, jiti la ti iʼwírinali jiti ayénachó Jesús discípulowala nima.
Isí japi riká Jesús
3. Bineri japalí ikiro alí japoná niraa binénili echi binéami. A keʼré japi echi binéami ko mi anema chumi rikó nawama binérisia alí piri rawé. Ayénachó kumi niraa kanílisa nila binea: japoná nocha, echoná bitichí o biléanachó. Ami omériaká, simí binérisia japalí ikiro echi binéami.
4. Iʼwérili isí jiti sinibí tarali binema. Ke mi omériaká simiyá binérisia, isí jepuná:
5. Jeobá yúa raʼichá jiti mi ke siwema. Nikúurili tani Jeobá jiti mi aminabi we natéami inema bineria echi binéami. Jepuná ko we natéami ju japalí echi binéami ke me sinibí binesa o ke sapuka isisa japi riká biné (Filip. 2:13). Ayénachó ané Jeobá japi mi iʼwírima inenia echi we aʼlá namuti japi isimí echi binéami, ¡jiti a keʼré japi wiká namuti we aʼlá isimí!
