NAHO FA MAMPIANATSE
Jaona 3:1, 2
LESOGNE 10
Mivognona Hagnampe o Ndatio Hanjare Mpianatse
Toro lalagne: “Zoto’ay ty hagnomey anareo, tsy ty talily soan’Andrianagnahare avao, fa ty fiai’ay ka, satria tena mami’ay nareo.”—1 Tes. 2:8.
Akore ty Nampisehoa i Jesosy Izay?
1. Henteo i VIDEO oy ndra vakio ty Jaona 3:1, 2, le valeo ty fagnonteneagne retoagne:
Ino ty Ianarantikagne Boake amy i Jesosy?
2. Atorontikagne tie teantikagne o ndatio naho fa tapa-kevetse ty hagnampe iareo hanjare mpianatse tikagne.
Tsikombeo ty Jesosy
3. Ampifagnaraho amy ze lera naho ze toeragne mete amy i mpiana’oy ty ampianaragne aze. Va’e misy andro ndra lera voafaritse soa tena mete amy i mpianatsey. Tea’e vao naho atao am-piasa’e agne, an-tragno’e agne, ndra amy ty toeragne maro ndaty i fianaragney? Naho mbe azo atao, le ovao hifagnarake amy ze mete ama’e ty fandaharam-potoa’o.
4. Anò tsy tapake i fianaragney. Naho tsy ho eo rehe, le ko ajanogne i fianaragney. Dineho zao:
-
a. Afake mampianatse aze amy ty andro hafa amy i heregnandro igne avao vao rehe?
-
b. Afake manao i fianaragney amy ty alala ty telefony ndra vidéoconférence vao rehe?
5. Mivavaha mba hanagna’o toe-tsaigne soa. Angataho ty Jehovah mba hagnampe azo tsy ho kivy amy i mpianatsey ndra tie va’e manapatapake i fianaragney aza reke ndra elaela vaho mampihatse ze raha ianara’e. (Fil. 2:13) Toe managne toetse soa maro i mpiana’oy, le mivavaha mba hifantoke amy irey.
HENTEO KA TY
Ohab. 3:27; Asa. 20:35; 2 Kor. 12:15