GEMA IOR VE HINGIR MBAHENEN
ITYOUGH 10
Kange Ishima u Wasen Ior
Kwaghwan: “Se kange ishima u ôron ne loho u dedoo u Aôndo tseegh ga, kpa kua u nan ayol a ase sha ci wen, gadia ne hingir mba doon se ishima tsung je.”—1 Tes. 2:8.
Kwagh u Yesu Er Yô
1. Nenge VIDIO ne, gayô ôr Yohane 3:1, 2. Maa time sha mbampin mba ve dondo ne:
-
Er nan ve Nikodemu tsua u zan hen Yesu tugh?—Nenge Yohane 12:42, 43.
-
Er Yesu lumun u nengen a Nikodemu tugh yô, tese ér yange kegh iyol u geman ior hingir mbahenen nena?
Ka Nyi Se Hen ken Ikyav i Yesu Nee?
2. Ior doo se ishima, nahan ka se kegh a kegh iyol u wasen ve, ve hingir mbahenen.
Dondo Ikyav i Yesu
3. Hen Bibilo a or sha shighe man ijiir i a doo nan yô. Alaghga nana hemba soon iyange igen gayô ihwa igen. A hemba doon nan u henen kwagh hen ijiirtom gayô hen ya u nan shin ma ijiir i ior ve memen yôô? Nôngo kpoghuloo za hen kwagh a nan sha shighe man ijiir i nan soo la.
4. De bunden kwaghhenen ga. Aluer gba u sha mi ga kpa, de gbe bunden kwaghhenen sha iyange i ne ver la ga. Hen sha akaa ne:
-
U lam a nan sha er ne hen kwagh sha iyange igen ken kasua laa?
-
U fatyô u ôron orpasenkwagh ugen wer nana za hen kwagh a nan kpa?
5. Sôn Yehova a wase u u lun a mnenge u vough. Sôn Yehova a wase u sha er kwagh u orhenen Bibilo la una gba u ishima, aluer ashighe agen ka nan bunde kwaghhenen, shin nan ngu eren akaa a nan lu henen la er u ver ishima la ga je kpaa. (Fil. 2:13) A shi nan kpa nana lu a aeren a dedoo agen, nahan sôn Yehova a wase u sha er u hemba veren ishima sha a yô.
SHI NENGE
Anz. 3:27; Aer. 20:35; 2 Kor. 12:15
