MUSAMBIZENGI ŴANTHU KUTI AJE AKUSAMBIRA
SAMBIRU 10
Mukhumbisiskengi Kuwovya Ŵanthu Kuti Aje Akusambira
Fundu ya mu Bayibolu: “Tingusimikiza kukupaskani uthenga wamampha waku Chiuta pe cha, kweni kukupaskani ndi umoyu widu viyo, chifukwa titikuyanjani ukongwa.”—1 Ate. 2:8.
Vo Yesu Wanguchita
1. Woneriyani VIDIYO, pamwenga ŵerengani Yohane 3:1, 2. Pavuli paki ŵanaŵaniyani mafumbu yanga:
-
Kumbi muwona kuti ntchifukwa wuli Nikodimu wanguluta kuchikumana ndi Yesu usiku?—Wonani Yohane 12:42, 43.
-
Kumbi vo Yesu wanguchita pakukumana ndi Nikodimu usiku vilongo wuli kuti wenga wakukhumbisiska kupanga akusambira?
Kumbi Tisambiranji Kwaku Yesu?
2. Tilongo kuti titanja ŵanthu asani tikhumbisiska kuŵawovya kuti aje akusambira.
Muyezgengi Yesu
3. Musambirengi pa nyengu kweniso pa malu po wakusambira winu wangayanja. Iyu wangasankha zuŵa lo wangayanja pamwenga nyengu. Kumbi wangayanja kusambiriya kuntchitu, kunyumba kwawu pamwenga pamalu nganyaki? Asani veviyo, mungasintha ndondomeku yinu kuti yikoliyani ndi nyengu ndipuso malu ngo iyu wakhumba.
4. Musambirengi mwakujalikiskika. Asani mutuwengepu, mungalekanga cha kusambira. Mumalu mwaki, ŵanaŵaniyani mafumbu yanga:
5. Pempherani kuti muje ndi maŵanaŵanu ngamampha. Pemphani Yehova kuti wakuwovyeni kuleka kuchita nayu mphwayi wakusambira winu, chinanga kuti musambira nayu mwakujalikiskika cha, pamwenga asani wativigwiriskiya ntchitu cha vo wasambira. (Afi. 2:13) Wakusambira winu wangaŵa kuti we ndi mijalidu yinandi yamampha, mwaviyo mupemphengi Yehova kuti wakuwovyeni kuŵanaŵaniya mijalidu yaki yamampha.
