GIRA VAPIZANE
GIHEVBULO 10
Dzi dongiseye gu phasa vambe gu khala vapizane
Litshina nya nayo: “Hi di gu vbweta nasiri basi gu mi tshumayela mahungu nya yadi ya Nungungulu ganiolu ni gu ningeya womi wathu gasi gu mi phasa, kholu ethu hi ngu mi haladza ngudzu.” — 1 Tes. 2:8.
Ginani Jesu a nga gira?
1. Sistiri VHIDHYU, mwendro u leri Johane 3:1, 2. Khavbovbo bhulani khu siwudziso si landreyago:
-
Khu ginani Nikodhemo a nga hatha gu hidzimeleya Jesu ni wutshigu? — Wona Johane 12:42, 43.
-
Khu gu bhula ni Nikodhemo ni wutshigu, Jesu yeyedzide kharini gu khuye a di dongide gu gira vapizane?
Ginani hi gi hevbulago khu Jesu?
2. Ha gu khala na hi dongide gu phasa vathu gu khala vapizane, hi na yeyedza gu khethu hi ngu haladza vathu.
Pimedzeya Jesu
3. Hevbula khu tepo ni wulanga wu gu wadi ga gihevbuli gyago nya Bhibhiliya. Tshulegide gu dzi hatheya litshigu ni ora ndrani nya semana. Khu hayi a dzipwago na tshulegide gu hevbula? I thumutunu, gaya mwendro wumbe wulanga? Guya khesi a na hathago, u yede gu dzi pwananisa naye gasi mu mu kodza gu hevbula khu litshigu ni wulanga si gu tshukwana gwaye.
4. Hevbulani tepo yatshavbo. Abari gu u na endra u hongola wulanga nyo khaguri, u nga thindrekisi gihevbulo. Vbavbandze nya isoso, dundrugeya khesi:
-
Ina u nga gimbidzisa gihevbulo limbe litshigu ndrani nya semana yile?
-
Ina u nga gimbidzisa gihevbulo khu gu thumisa telefone mwendro khu video conferência?
-
Ina u nga lomba mumbe muhuweleyi gasi aya gimbidzisa gihevbulo?
5. Lomba Jehovha a gu phasa gu manega ni makhalelo nya yadi. Lomba Jehovha a gu phasa gu mba tsukuwa gihevbuli gyago ambari gya gu mba dzi ninga gwadi tepo nyo hevbule khu matshigu mu ma vegisidego mwendro gyo mba thumisa esi gi hevbulago womini wagyo. (Filp. 2:13) Si nga gira gihevbuli gyago na gi ri ni makhalelo nya yadi ngudzu. Lomba Jehovha a gu phasa gu vega gupima avba nya makhalelo yoyo.
WONA GAMBE
Mav. 3:27; Mith. 20:35; 2 Kor. 12:15
