KUGWASYA BANTU KUTI BABE BASIKWIIYA
CHIIYO 10
Lipede Kugwasya Bamwi
Malayilile: “Twakalipeda kuti tumupe, kutali makani mabotu aaLeza kupela, pesi abuumi bwesu nkaambo mwakaba bantu bayandwa loko kulindiswe.”—1 Tes. 2:8.
Nzyaakachita Jesu
1. Yebela KAVIDIYO naakuti ubale Johane 3:1, 2, mpawo ulange-lange mibuzyo iitobela:
-
Kweelede kuti niinzi chakapa kuti Nikkodimasi aswaye Jesu mansiku?—Langa Johane 12:42, 43.
-
Kubonana aaNikkodimasi nkwaakachita Jesu mansiku kwakatondeezya biyeni kuti wakalilipedelede kugwasya bantu kuti babe basikwiiya?
Twiiyaanzi Kuzwa Kuli Jesu?
2. Tutondeezya kuti tulabayanda bantu kwiinda mukulipeda kubagwasya kuti babe basikwiiya.
Tobelezya Jesu
3. Amwiiye aachiindi andawu njayanda muntu ngwiiyaawe Bbayibbili. Muntu nguyiyaawe, ulakonzya kusala buzuba achiindi nayanda kwiiya. Kulakonzeka kuti muntu ngwiiyaawe uyanda kwiiya kali kumulimu, kung’anda yakwe naakuti kuliimwi ndawu. Kuti kazikonzeka, yezya kuchincha pulogilamu yako kuti yeendelane aachiimo chakwe.
4. Amwiiye chiindi choonse. Kuti kutakonzyi kumuswaya aachiindi chimwakazuminana, utamubuzyi kuti tuchisiki pe. Pesi:
5. Kombela kuti ube aamaboneno aalikabotu. Kumbila Jehova kuti akugwasye kuti utaleki pe kwiiya aachiiyo chako, nikuba kuti chimwi chiindi muntu ngwiiyaawe nga wajatikana kuti mwiiye naakuti ulanonoka kubelesya nzyayiya. (Flp. 2:13) Kulakonzeka kuti muntu ngwiiyaawe Bbayibbili ulaabuntu bwiingi bubotu, nkinkaako kombela kuti ulangisisye buntu oobo.
ALUBO LANGA
Tus. 3:27; Mil. 20:35; 2 Kor. 12:15
