JESÚSIIRI CHÚXAPATI UAANI
JORHENGUARHIKUA 10
Juchaari responsabilidadisti
Tekstu: “Jimbokaksïni jucha kánikua xénchasïnga, jucha uandaspkia eskaksïni aiangupiringa ambakiti aianhperakuani Tata Diosïiri ambe, joperu no inde ambejku, ístuksïni íntskupiringa juchaari tsípikua” (1 Tes. 2:8).
Ambe enga úpka Jesúsi
1. Exe je BIDEUNI o arhinta je Juanu 3:1, 2. Tátsekua exea je arini kurhamarhikuechani:
-
¿Andisï Nikodemu chúrikua nípi exeni Jesúsini? (Exe je Juanu 12:42, 43).
-
Enga Jesúsi chúrikua uandontskuarhepka Nikodemu jingoni, ¿néna xarhataspi eska uékasïreenga jarhuataani kʼuiripuechani paraksï imeeri chúxapatiini?
¿Ambejtsïni jorhendasïni Jesúsiiri ejemplu?
2. Jimbokachi xénchaasïnga kʼuiripuechani, exesïngachi eskachi jatsiska para jarhuataani paraksï Jesúsiiri chúxapatiini.
Májkueni ú je eska Jesúsi
3. Jorhenda je kʼuiripuni Biblieri ambe na enga jandora ima uaaka ka nani enga uaaka. ¿Arhiskiksïni na jandora ka ambe jurhiatikua uaa jorhenguarhini? ¿Arhiskiksïni nani enga uaa sánderu sési jorhenguarhini, jima enga ánchikuarhijka, imeo o máteru nani? Engajtsï uaaka, mójtaku je chaari orarioni parajtsï úni jorhenguarhini nani ka ima jandora enga estudianti uaaka.
4. Jánguarhinta je paraka chaari estudianti méntkisï jorhenguarhiaka. Jiáni engajtsï no jauaka, ú je ambe ma paraka estudianti jorhenguarhiaka. Uaakajtsï arini ambe úni:
5. Kómarhi je Tata Diosïni parajtsï tsípikua jingoni jorhentpini. Kómarhi je Tata Diosï Jeobani parajtsï no kuatantani. I ambe kánikua jukaparhakuesti, sánderia jiáni enga estudianti no méntkisï uékaaka jorhenguarhini o enga úkua jukanchani jauaka úni ambe enga jorhenguarhini jaka (Filip. 2:13). Kurhaku je Tata Diosï Jeobani eskaksïni jarhuataaka exeni ambe enga estudianti sési úni jaka. ¡Uánikua ambe sési úni jati!
ÍSTU ARHINTA JE
Prov. 3:27; Úku. 20:35; 2 Kor. 12:15
