KUFOORA ABANTU ABEGESWA
ISOMO 10
Otajwaha
Omusingi: “Tukasemererwa okutabaha enjiri ya Ruhanga yonka, baitu nobwomezi bwaitu itwenka, baitu mukaba nimugonzebwa itwe.”—1 Bas. 2:8.
Omulingo Yesu Yakikozeremu
VIDIYO: Yesu Ayegesa Nikodemo
1. Rora VIDIYO, rundi soma Yohana 3:1, 2. Hanyuma ogarukemu ebikaguzo binu:
-
Kiki ekisobora kuba kyaletiire Nikodemo kwija hali Yesu omu bwire bw’ekiro?—Rora Yohana 12:42, 43.
-
Yesu obuyatangatangaine Nikodemo ekiro, akooleka ata ngu akaba atarukujwaha kufoora abantu abegeswa?
Kiki Ekiturukwegera Hali Yesu?
2. Twoleka ngu nitugonza abantu obututajwaha kubakonyera kufooka abegeswa.
Yegera Hali Yesu
3. Yegesa omwegi omu bwire n’ekiikaro ebyarukugonza. Omwegi n’asobora kukomamu obwire n’ekiro ebyarukugonza kwegeramu. N’asobora kuba n’agonza kwegera ha mulimo, muka ye, rundi omu kiikaro nambere abantu bahumurra. Obukiraaba nikisoboka, hinduramu nukwo omugarukire ha bwire obwarukugonza.
4. Mutoosa kwega. Obukiraaba ngu noija kuba otaroho, otasazaamu kwega nauwe. Oihireho tekerezaaho binu:
5. Saba Yahwe akukonyere kuba n’entekereza ey’ehikire. Musabe akukonyere kutajwaha n’obukiraaba ngu omwegi waawe nayosa kwega rundi naikaraho kuteeka omu nkora ebyarukwega. (Baf. 2:13) Omwegi waawe aine emiringo enungi, nahabweki saba Yahwe akukonyere kugiteekaho omutima.
