KOLGE JAR GO JAR MAA WER YESO
HADGE 10
Hay de dage maa kol jar go jar maa wer Yeso ɓili
Verse: “Wùr go de gragge, bay ma hãge we diŋ Wããre ma de Cõõre mani Baa boŋ tawa wa, ama wùr hã tenen wùr de see wùr ɓuy go wer ɓay lay, werga nday kol go diŋ fen wùr ma sena’ge no.”—1 Tes. 2:8.
Yeso joŋ na joŋge là
1. Ko VIDEYO, noga jaŋ Jaŋ 3:1, 2. Blam ɓe ɗig ti wiigi jag maa blam wo la no:
-
Ti ɗiggi ɓo, wer may ga Nikodem wo da’ Yeso diŋ de suŋ là?—Ko Jaŋ 12:42, 43.
-
Maaga á yãã Nikodem de suŋ mono, Yeso ɓo’ nen go ga se da kol jar go jar maa wer ɓe na ɓo’ge là?
Naa had mayse see Yeso là?
2. Naa da kol jar go jar maa wer Yeso werga naa da ra debaŋ.
Joŋ doo Yeso no lay
3. Fer wo da’ jee maaga ndo had Bible ne hẽn ti wur maaga á da ne, day ti ngeel maaga á dan mo lay. Maapo nen lumo se maŋ naw maa ɓe go ka’a, noga maŋ wur maa ɓe go nen siili po ka’a. Á de sãy maaga had se ti diŋ ti ngeel joŋre ɓe, liŋ ni ɓe, noga ti ngeel maaga ngaɓa tay ni yawlà? Hayga á joŋ yaŋ no, coo program ɓon nen maaga á mo tab de maa ɓe no.
4. Fer had jee ɓen ti naw renam tum. Hayga ndo raw we go raŋge no, cegaɗ hadge de ɓe wa. Amaa, kiɗ ɗeŋ po tigriŋ maaga á mo da’ hadge no:
5. Tos maaga ɗiggi ɓo mo hay ti jee ɓen de woore. Tos Jeofa maaga ndo mo tob jee ɓen go wa; koh á mo hay ba joŋ hadgen tum wa, noga mo hay ba joŋ joŋre de yaŋ maaga á laa ra ti hadge ɓen wo deparday tu wa (Flp. 2:13). Maapo ga joŋre maa de woore joŋ yaŋ wo see jee maaga ndo had ne mono. Wii kayge do Jeofa nen maaga ɗiggi ɓo mo hay ti joŋre maa see ɓe de wooren wo no.
