KUZGORA ŴANTHU KUŴA ŴASAMBIRI
SAMBIRO 10
Kujipeleka
Fundo: “Tikakhumbisiska kumupani waka makani ghawemi gha Chiuta yayi, kweniso umoyo withu, chifukwa tikamutemwani chomene.”—1 Tes. 2:8.
Ivyo Yesu Wakachita
1. Wonelerani VIDIYO, panji ŵazgani Yohane 3:1, 2. Kufuma apo zgorani mafumbo ghakulondezgapo agha:
-
Mukughanaghana kuti chifukwa wuli Nikodemo wakaluta kwa Yesu usiku?—Wonani Yohane 12:42, 43.
-
Kasi Yesu wakalongora wuli kuti ngwakujipeleka pakuzgora ŵanthu kuŵa ŵasambiri apo wakakumana na Nikodemo usiku?
Kasi Tikusambirako Vichi kwa Yesu?
2. Tikulongora kuti tikutemwa ŵanthu para tikuŵawovwira kuti ŵaŵe ŵasambiri.
Yezgani Yesu
3. Musambirenge pa nyengo na malo agho ngawemi kwa msambiri. Nyengo zinyake msambiri wangatiphalira zuŵa panji nyengo iyo tingasambilira. Kasi wangatemwa kusambilira ku ntchito kwake, ku nyumba yake, panji ku malo ghanyake? Para mungafiska, yezgani kusintha ndondomeko yinu kuti yikolerane na yake.
4. Musambirenge nyengo zose. Para muwukengepo, kutondeska yayi sambiro. M’malo mwake, ghanaghanirani mafumbo agha:
5. Lombani kuti muwonenge vinthu mwakwenelera. Lombani Yehova kuti wamovwirani kulutilira kuŵikapo mtima kusambizga msambiri winu, nanga wangaŵa kuti wakusambira mwakudukaduka panji wakulondezga yayi ivyo wakusambira. (Fil. 2:13) Msambiri winu wangaŵa kuti wali na mikhaliro yinandi yiwemi, ntheura lombani kuti muŵikenge mtima pa mikhaliro iyo.
