ӨӨРЕНИКЧИЛЕРНИ БЕЛЕТКЕҢЕР
КИЧЭЭЛ 10
Бердинген болуру
Библейжи дүрүм: «Силерге ындыг күштүг ынак болгаш, чүгле Буянныг Медээни эвес, а амы-тынывысты силерге хүлээдип бээринге белен турдувус» (1 Фес. 2:8).
Иисус чүнү кылып турган?
1. ВИДЕОНУ көрүңер азы Иоанн 3:1, 2 номчуптуңар. Дараазында айтырыгларның дугайында боданыңар:
-
а) Чүү деп бодаар силер, Никодим Иисусче чүге дүне чедип келген? (Көрүңер: Иоанн 12:42, 43.)
-
б) Иисус Никодимни дүне уткуп алганы-биле өөреникчилер белеткээр ажыл аңаа эргежок чугула деп канчаар көргүскен?
Иисустан чүнү өөренип алыр бис?
2. Улуска Христостуң өөреникчизи апаарынга шыдаар шаавыс-биле дузалаар болзувусса, оларга ынакшылывысты көргүзер бис.
Иисусту өттүнүңер
3. Ол кижиге эптиг турда келиңер. Ол кижиге Библияны бодунуң аңгылап алган үезинде өөренири эптиг чадавас. Аңаа каяа өөренири эптиг: бажыңынга, ажылынга азы хөй-ниити черинге? Аңаа хамаарыштыр графигиңерни өскертиринге белен болуңар.
4. Доктаамал өөрениңер. Кичээл эрттирери болдунмас апарза, ону ара кагбайн, мынчаар боданыңар:
-
а) Кичээлди неделяның өске хүнүнче чылдырып алыр аргаңар бар бе?
-
б) Кичээлди телефон азы видеохарылзаа таварыштыр эрттирип шыдаар силер бе?
5. Шын хөөннүг боор дээш мөргүңер. Өөреникчивис кичээлдерни үзүп, сүмелерни ажыглавас болза, ону күзел чок деп бодавас кылдыр, Иеговадан дузаны дилеңер (Флп. 2:13). Ооң чараш шынарлары хөй чадавас, ону эскерип каар кылдыр Иеговадан мөргүп дилеңер.
