ШАГИРТЛАРНИ ТӘЙЯРЛАШ
10-ДӘРИС
Шагиртларни тәйярлашқа бәл бағлаш
Принцип: «Шу чағда силәргә сөйгү риштиси билән шундақ бағланған едуқки, биз силәргә Худаниң хуш хәвиринила әмәс, бәлки өз җанлиримизниму беришкә рази болдуқ. Чүнки силәргә бәк амрақ болған едуқ» (Сал. 1-х. 2:8, ЙД).
Әйса Мәсиһ немә қилған?
1. ВИДЕОНИ көрүң яки Йоһан 3:1, 2ни оқуң, кейин төвәндики соалларға җавап бериң:
-
a. Сизниңчә, немә үчүн Никодим кечидә Әйса билән көрүшүшни халиған? (Йоһ. 12:42, 43кә қараң.)
-
ә. Әйса Мәсиһ кечидә Никодим билән параңлишип, шагиртларни тәйярлашқа бәл бағлиғанлиғини қандақ көрсәткән?
Әйса Мәсиһтин немини үгинимиз?
2. Адәмләрниң Мәсиһниң шагиртлири болушиға ярдәм бериш арқилиқ биз инсанларни сөйидиғанлиғимизни көрситимиз.
Әйса Мәсиһни үлгә қилиш
3. Кишигә қолайлиқ вақитта вә җайда тәтқиқ үгиниши өткүзүш. Бәлким у һәптиниң мәлум бир күни яки саатида үгинишни халайдиғанду. У иш орнида, өйидә яки аммивий орунларда үгинишни қолайлиқ дәп қарамду? Кишигә қолайлиқ болуши үчүн уни көздә тутуп, өзүңизниң күндилик җәдвилини қолуңиздин келишичә өзгәртишкә тәйяр болуң.
4. Дайим тәтқиқ үгиниши өткүзүш. Әгәр бир йәргә баридиған ишиңиз чиқип қалса, үгинишни бекар қилмай, бәлки монулар һәққидә ойлап көрүң:
5. Тоғра көзқараш сақлаш үчүн дуа қилиш. Һәтта үгәнгүчи дайим үгиниш қилмиса яки үгәнгәнлирини турмушида әмәлий қоллинишқа алдиримиса, у кишидин ваз кәчмәслигиңиз үчүн Йәһвадин ярдәм сорап дуа қилиң (Флп. 2:13). Бәлким у кишиниң нурғун яхши пәзиләтлири бар. Диққитиңизни униң яхши тәрәплиригә қаритиш үчүн дуа қилиң.
