RE VWO YONO IHWO VWỌ DIA IDIBO
UYONO 10
Brorhiẹn Wọ Vwọ Vwẹ Ukẹcha Kẹ Ihwo Vwọ Dia Idibo
Odjekẹ ri Baibol: “Avwanre de brorhiẹn rẹ avwanre vwo ghwoghwo iyẹnrẹn esiri rẹ Ọghẹnẹ na kẹ ovwan, je tobọ vwẹ arhọ rẹ avwanre vwọ kpahotọ kẹ ovwan dede, kidie ovwan rhe ghanre kẹ avwanre mamọ.”—1Tẹ 2:8.
Obo ri Jesu Ruru
1. Ni IVIDIO na, yẹrẹ se Jọn 3:1, 2, rere ovwan ta ota kpahen enọ ri nenire:
-
Die yen sa suọ ri Nikodimọs vwo bru Jesu ra vwẹ ason? —Ni Jọn 12:42, 43.
-
Mavọ yen Jesu vwo djephia nẹ o brorhiẹn ro vwo yono ihwo vwọ dia idibo, rọ vẹ Nikodimọs vwọ vwoma vwẹ ason?
Die Yen Avwanre Yono Mie Jesu?
2. E djephia nẹ e vwo ẹguọnọ rẹ ihwo siẹrẹ e de brorhiẹn re vwo yono ayen vwọ dia idibo.
Vwẹrokere Jesu
3. Ru uyono na vwẹ ọke vẹ asan ro shephiyọ kẹ ohwo rẹ wọ vwẹ Baibol yono. O se vwo ẹdẹ ọvo kiriguo vwẹ udughwrẹn na yẹrẹ ọke rọ guọnọre nẹ wo vwo yono ọyen. Asan ro de ruiruo yen che me je vwọ kẹ uyono na gbanẹ uwevwin rọyen yẹrẹ vwẹ azagba? Ọ da dia obo wo se ru, rhuẹrẹ ọke wẹn phiyọ ro vwo shephiyọ vẹ ọke rọyen.
4. Yono ọkieje. Ọ da dianẹ wo che vwo uphẹ-ẹn, wọ kpairoro vrẹ uyono na-a. Ukperẹ ọtiọyen, gbe roro:
5. Nẹrhovwo vwọ kẹ uruemu rẹ abavo. Nẹrhovwo rhe Jihova nẹ ọ chọn wẹ uko rere ofu rẹ ohwo rẹ wo yono na vwo jẹ uwe edje, ọ da tobọ dianẹ ọ dia ọkieje yen o vwo yono-o, yẹrẹ ọ fobọ reyọ oborẹ o yonori vwo ruiruo-o. (Fil 2:13) O muẹro nẹ ohwo rẹ wo yono na vwo omamọ rẹ iruemu buebun; nẹrhovwo vwọ kẹ ukẹcha wọ sa vwọ tẹnrovi ayen.
JI NI
Isẹ 3:27; Iru 20:35; 2Kọ 12:15
